12ஆவது மலேசியா திட்டத்திற்கான (12MP) செலவின உச்சவரம்பை RM15 பில்லியனால் அரசாங்கம் உயர்த்தியுள்ளது. மொத்த ஒதுக்கீட்டை RM 415 பில்லியனாக கொண்டு வந்துள்ளது. இன்று மக்களவையில் 12எம்பி இடைக்கால மதிப்பாய்வை (எம்டிஆர்) தாக்கல் செய்த பிரதமர் அன்வார் இப்ராஹிம், நிர்வாகத் தரத்தை மேம்படுத்தவும், அவர்களின் அடிப்படைத் தேவைகளுக்காக மானியங்களை மறு ஒதுக்கீடு செய்யவும் இந்த அதிகரிப்பு அவசியம் என்றார்.
12MP மடானி பொருளாதாரக் கொள்கையுடன் மறுசீரமைக்கப்படும், இது 10 வருட காலத்திற்கு நாட்டின் பொருளாதாரத்தை மேம்படுத்துவதையும் விரைவுபடுத்துவதையும் நோக்கமாகக் கொண்டுள்ளது என்று அவர் மக்களவையில் கூறினார். அதன்படி, 2023 முதல் 2025 வரை ஆண்டுதோறும் குறைந்தபட்சம் RM90 பில்லியன் செலவழிக்க அரசாங்கம் உறுதிபூண்டுள்ளது.
12MP முன்னாள் பிரதமர் இஸ்மாயில் சப்ரி யாகோப், செப்டம்பர் 2021 இல், RM400 பில்லியன் மதிப்பீட்டின் வளர்ச்சிக்காகத் தாக்கல் செய்தார். நிதி அமைச்சராகவும் இருக்கும் அன்வார், 12MP இன் முதல் இரண்டு ஆண்டுகளில், நாடு 2021 முதல் 2022 வரையிலான சராசரி ஆண்டு மொத்த உள்நாட்டு உற்பத்தியை (GDP) 5.9% பதிவு செய்துள்ளதாக குறிப்பிட்டார். நிர்ணயித்த 175 இலக்குகளில், 31% எட்டப்பட்டுள்ளது. மேலும் 59% திட்டமிடப்பட்டுள்ளது என்று அவர் கூறினார்.
MTR இன் கீழ் 71 முக்கிய முயற்சிகளை மேற்கொள்ளும் 17 பெரிய தைரியமான நடவடிக்கைகள் பற்றி அன்வார் பேசினார். இது 10 ஆண்டுகளுக்கு நாட்டின் பொருளாதார வளர்ச்சியைத் தூண்ட உதவும் என்று அவர் கூறினார். இது, நிலைத்தன்மையை வலுப்படுத்துதல், நல்வாழ்வை ஊக்குவித்தல் மற்றும் உயர் வருமானத்தை அடைதல் ஆகிய மூன்று முக்கிய நோக்கங்களின் மூலம் சமூக-பொருளாதார வளர்ச்சியை செயல்படுத்தும் என்று அவர் கூறினார்.
