ஷா ஆலம்:
மலேசியாவில் தகவல் தொழில்நுட்ப (IT) துறையில் வேலைசெய்பவர்களின் தற்போதைய சம்பளம் 28% விழுக்காடு வளர்ச்சியைக் கண்டுள்ளது என்று பிரபல வேலைவாய்ப்பு போர்ட்டலான Jobstreet தெரிவித்துள்ளது.
அதன் சமீபத்திய சம்பள வழிகாட்டி தரவுகளின்படி, தகவல் தொழில்நுட்பத் துறையினரின் சம்பளம் RM3,750 இலிருந்து RM4,800 ஆக உயர்ந்துள்ளது என்று கூறுகிறது.
மேலும் கணினி மற்றும் தகவல் தொழில்நுட்ப வல்லுநர்கள் மிக உயர்ந்த சராசரி சம்பளமாக RM6,000 ஐ பெறுகிறார்கள்.
இந்த குறிப்பிடத்தக்க வளர்ச்சிக்கு மலேசியாவின் டிஜிட்டல் உருமாற்ற முயற்சிகளில் தீவிர கவனம் செலுத்தியதே காரணம் என்று அதன் நிர்வாக இயக்குனர் விக் சித்தாசனன் கூறினார்.
ஆயினும்கூட, இந்த ஆண்டின் தொடக்கத்தில், உலகெங்கிலும் உள்ள முக்கிய தொழில்நுட்ப நிறுவனங்களை பாதித்த பணிநீக்கங்களை மேற்கோள் காட்டி, இந்த விரைவான வளர்ச்சி நீண்ட காலத்திற்கு நிலையானதாக இருக்காது என்றும் அவர் எச்சரித்தார்.
எதிர்காலத்தில் திறமையான தகவல் தொழில்நுட்ப வல்லுனர்களை உருவாக்குவதற்கான உறுதியான அடித்தளத்தை உருவாக்க மலேசியாவில் விரிவான கல்வி சீர்திருத்தங்களின் அவசியத்தையும் அவர் வலியுறுத்தினார்.
மலேசியாவில் டிஜிட்டல் பொருளாதாரம் தொடர்ந்து செழித்து வரும் நிலையில், தகவல் தொழில்நுட்ப வல்லுநர்களுக்கான தேவை ஒரு முக்கிய விஷயம் என்று Jobstreet கூறியுள்ளது.
