கோலாலம்பூர்: தீபாவளியை முன்னிட்டு, தார்மீக மறுவாழ்வு மையங்கள், சிறப்பு மறுவாழ்வு மையங்கள், சிறப்பு தடுப்பு மையங்கள் மற்றும் ஹென்றி கர்னி பள்ளிகள் உள்ளிட்ட சிறைக் கைதிகள் நவம்பர் 14 மற்றும் 15 ஆம் தேதிகளில் அவர்களது குடும்ப உறுப்பினர்களை சந்திக்க அனுமதிக்கப்படுகிறார்கள்.
இன்று வெளியிட்ட அறிக்கையில், இந்து கைதிகளுக்கு நேரில் அல்லது ஆன்லைன் வருகைக்கு மட்டுமே முன்னுரிமை அளிக்கப்படும் என்று சிறைத்துறை தெரிவித்துள்ளது. நவ. 14 மற்றும் 15 ஆகிய தேதிகளில் காலை 8.15 மணி முதல் மாலை 4.15 மணி வரை நேரில் வருகைகள் இருக்கும். ஆன்லைன் வருகைகள் நவம்பர் 16 முதல் 18 வரை இருக்கும் என்று அது கூறியது.
துறையின் அறிக்கையின்படி, ஒவ்வொரு கைதியும் அவர்களது குடும்பத்தினரிடமிருந்து ஒரு முறை மட்டுமே வருகை தர முடியும், அவர்கள் www.prison.gov.my இல் i-Visit அமைப்பு மூலம் சந்திப்பை மேற்கொள்ளலாம். தொலைபேசி அழைப்பு, மின்னஞ்சல் அல்லது சம்பந்தப்பட்ட நிறுவனத்திற்கு கடிதம் ஆகியவை மூலம் தொடர்பு கொள்ளலாம்.
அவர்கள் அனுமதி கேட்டவுடன் நிறுவனம் தேதி மற்றும் அமர்வை நிர்ணயிக்கும். பொதுமக்கள் சம்பந்தப்பட்ட நிறுவனங்களை அழைக்கலாம் அல்லது www.prison.gov.my இணையதளத்தை அணுகி கூடுதல் தகவல்களைப் பெறலாம் என்று அந்த அறிக்கையில் கூறப்பட்டுள்ளது.
நேரில் வருகையைத் தேர்ந்தெடுக்கும் குடும்பங்கள் கண்டிப்பாக RT-PCR அல்லது ARTK-Ag சோதனையை மேற்கொள்ள வேண்டும். இது மூன்று நாட்களுக்கு செல்லுபடியாகும். மேலும் வருகையின் நாளில் எந்த அறிகுறிகளும் இருக்கக்கூடாது, அத்துடன் அவர்களின் அடையாளம் மற்றும் விசிட்டிங் கார்டுகளும் இருக்க வேண்டும். பார்வையாளர்கள் சிறைச்சாலைகளின் சட்டங்கள் மற்றும் ஒழுங்குமுறைகளுக்கு உட்பட்டவர்கள் என்று அந்த அறிக்கையில் மேலும் தெரிவிக்கப்பட்டுள்ளது
