கோலாலம்பூர்: இரண்டு நாட்களுக்கு முன்பு செகோலா மெனங்கா சைன்ஸ் ஆலம் ஷா, ஜாலான் யாக்கோப் லத்தீப், செராஸ் பகுதியில் இருந்து காணாமல் போனதாகக் கூறப்படும் 14 வயது உறைவிடப் பள்ளி மாணவர் நேற்றிரவு பாதுகாப்பாகக் கண்டுபிடிக்கப்பட்டார். பண்டார் துன் ரசாக்கில் உள்ள சைதினா உத்மான் மசூதியில் டேனியல் அக்மல் சுல்கைரி அவரது பெற்றோர் மற்றும் ஆசிரியர்களால் கண்டுபிடிக்கப்பட்டதாக செராஸ் காவல்துறைத் தலைவர் ஜாம் ஹலீம் ஜமாலுடின் கூறினார்.
அவர் பலவீனமான நிலையில் காணப்பட்டார். ஆனால் ஒருவர் அவருக்கு உணவு கொடுத்திருக்கிறார். (அவர் காணாமல் போனபோது). அது தவிர, அவரது உடலில் எந்தக் காயங்களும் இல்லை என்று அவர் இன்று பெர்னாமாவைத் தொடர்பு கொண்டபோது கூறினார். பின்னர் மருத்துவ பரிசோதனைக்காக சிறுவன் கன்சிலர் துவாங்கு முஹ்ரிஸ் மருத்துவமனைக்கு கொண்டு செல்லப்பட்டதாக ஜாம் ஹலீம் கூறினார்.
