தற்பொழுது நாட்டை வழி நடத்தி வரும் ஒற்றுமை அரசாங்கத்தை அனைத்துக் கட்சிகளும் மதிக்க வேண்டும் என்று மாமன்னர் சுல்தான் இப்ராஹிம் அறிவுறுத்தியுள்ளார். திங்கள்கிழமை (பிப்ரவரி 26) 15ஆவது நாடாளுமன்றத்தின் மூன்றாவது அமர்வின் முதல் கூட்டத்தின் அதிகாரப்பூர்வ தொடக்கத்தில் தனது அரச உரையை வழங்கிய சுல்தான் இப்ராஹிம், அனைத்து நாடாளுமன்ற உறுப்பினர்களும் தங்கள் முயற்சிகளை மக்களுக்கு உதவுவதில் கவனம் செலுத்த வேண்டும் என்று வலியுறுத்தினார்.
அரசியல் ஸ்திரத்தன்மைக்கு பங்கம் விளைவிக்கக் கூடிய எந்தவொரு கோரிக்கையையும் தாம் ஏற்றுக்கொள்ள மாட்டோம் என அரச தலைவர் தெரிவித்தார். சுல்தான் இப்ராஹிம், அனைத்து தரப்பினரும் யதார்த்தத்தை ஏற்றுக்கொண்டு ஒற்றுமை அரசாங்கத்தை உருவாக்குவதை மதிக்க வேண்டும் என்றார். யாராவது அரசியல் விளையாட விரும்பினால், அடுத்த தேர்தலுக்காக காத்திருங்கள் என்று மாமன்னர் கூறினார்.
60 ஆண்டுகளுக்கு முன்பு மலேசியா உருவானதில் இருந்து இனங்களுக்கிடையிலான உறவுகள் இன்னும் விரும்பப்படாததால் ஒற்றுமை மற்றும் நல்லிணக்கத்தை வலுப்படுத்த அரசாங்கம் ஒரு கொள்கையை உருவாக்க வேண்டும் என்றும் சுல்தான் இப்ராஹிம் கூறினார். இன்றும் சிலர் தேசிய மொழியைப் புரிந்து கொள்ளாமல், பிற இனங்களின் கலாச்சாரங்களைப் புரிந்து கொள்ளத் தவறி வருகின்றனர். தேசிய ஒற்றுமை மற்றும் நல்லிணக்கத்தை மேம்படுத்தும் கொள்கையை அரசு வகுக்க வேண்டும் என்று நான் கேட்டுக்கொள்கிறேன் என்று சுல்தான் இப்ராஹிம் கூறினார்.
