பெட்டாலிங் ஜெயா: முன்னாள் பிரதமர் அப்துல்லா அஹ்மத் படாவி தேசிய இதய கழகத்தில் (ஐஜேஎன்) அனுமதிக்கப்பட்டு, தற்போது அவரது உடல்நிலை சீராக இருப்பதாக தெரிவிக்கப்பட்டுள்ளது. அப்துல்லாவின் மருமகன் கைரி ஜமாலுதீன் கூறுகையில், தன்னிச்சையான நியூமோடோராக்ஸ் காரணமாக அவர் நேற்று IJN இல் அனுமதிக்கப்பட்டார்.
அவர் உடல் நலத்துடன் இருக்கிறார். தற்போது தீவிர சிகிச்சை பிரிவில் மருத்துவர்களால் அவர் கண்காணிக்கப்பட்டு வருகிறார். அல்ஹம்துலில்லாஹ், அவர் நன்றாக இருக்கிறார் ஆனால் ஓய்வு தேவை. முழு குடும்பத்தின் சார்பாக, அவர் பெற்ற அனைத்து பிரார்த்தனைகளுக்கு நன்றி தெரிவித்துக் கொள்வதாக கைரி ஒரு இன்ஸ்டாகிராம் பதிவில் கூறினார். நுரையீரலின் கட்டமைப்பில் ஏற்படும் கசிவு காரணமாக நுரையீரல் மற்றும் மார்புச் சுவருக்கு இடையே உள்ள குழியில் காற்று அல்லது வாயுவின் தொகுப்பே நியூமோதோராக்ஸ் ஆகும். இது உறுப்பு சுருங்குவதற்கு காரணமாகிறது.
அப்துல்லாவின் மகள் நோரியை மணந்த கைரி, அப்துல்லாவை காண பார்வையாளர்களுக்கு அனுமதியில்லை என்று IJN அறிவுறுத்தியதாக மேலும் கூறினார். 2022 ஆம் ஆண்டில், அப்துல்லா முதுமை மறதி நோயால் பாதிக்கப்பட்டுள்ளார் என்றும் அவரது மனைவி ஜீன் அப்துல்லா மற்றும் பிற குடும்ப உறுப்பினர்களின் பெயர்கள் அவருக்கு நினைவில் இல்லை என்றும் கைரி வெளிப்படுத்தினார். அப்துல்லா அக்டோபர் 2003 முதல் 2009 இல் ராஜினாமா செய்யும் வரை மலேசியாவின் ஐந்தாவது பிரதமராக பத்வி வகித்தவர். 1979 முதல் 2013 வரை ஏழு முறை கப்பாளா நாடாளுமன்ற உறுப்பினராகவும் பதவி வகிததவர் என்பது குறிப்பிடத்தக்கது.
