சிஜில் பெலஜாரன் மலேசியா (SPM) 2023 தேர்வின் முடிவுகளை மே 27, திங்கட்கிழமை காலை 10 மணி முதல் தங்கள் பள்ளிகளில் பெற்று கொள்ளலாம். ஒரு அறிக்கையில், தனியார் விண்ணப்பதாரர்களுக்கு தபால் மூலம் அறிவிக்கப்படும் அல்லது அவர்கள் தேர்வு எழுத பதிவு செய்த அந்தந்த மாநில கல்வித் துறைகளை தொடர்பு கொள்ளலாம் என்று கல்வி அமைச்சகம் தெரிவித்துள்ளது. அரசாங்க பள்ளி மற்றும் தனியார் பள்ளி மாணவர்கள் இருவரும் தங்கள் முடிவுகளை myresultspm.moe.gov.my வழியாகவும் பார்க்கலாம்.
மேலும், அனைத்து வேட்பாளர்களும் SPM (இடைவெளி) MyKad எண் (இடைவெளி) குறியீட்டு எண்ணைத் தட்டச்சு செய்து, மே 27 காலை 10 மணி முதல் ஜூன் 2 ஆம் தேதி மாலை 6 மணி வரை 15888 க்கு அனுப்புவதன் மூலம் தங்கள் முடிவுகளை mySMS மூலம் சரிபார்க்கலாம் என்று அமைச்சகம் தெரிவித்துள்ளது. நாடு முழுவதும் 3,340 தேர்வு மையங்களில் மொத்தம் 3,95,870 விண்ணப்பதாரர்கள் SPM 2023 தேர்வினை எழுதி இருக்கின்றனர்.
