கோலாலம்பூர்: ஹமாஸ் அரசியல் அமைப்பின் தலைவர் இஸ்மாயில் ஹனியே படுகொலை தொடர்பான டத்தோஸ்ரீ அன்வார் இப்ராஹிமின் சமூக ஊடகப் பதிவுகளை நீக்குவதற்கான முடிவு மெட்டா பிளாட்ஃபார்ம்ஸ் இன்க் (மெட்டா) உயர் மட்டத்தில் உள்ளவர்களால் செய்யப்பட்டிருக்கலாம். தென்கிழக்கு ஆசியாவில் உள்ள அவர்களது குழுவால் அல்ல என்று தகவல் தொடர்பு அமைச்சர் ஃபஹ்மி பட்சில் கருத்துரைத்தார்.
தென்கிழக்கு ஆசிய அளவில் மெட்டா நிர்வாகத்துடன் தான் இதுவரை நடத்திய தொடர் கலந்துரையாடலில், முகநூல் இன்ஸ்டாகிராமில் இருந்து பிரதமரின் பதிவுகளை நீக்கியவர்கள் தாங்கள் அல்ல என்று அவர்கள் சுட்டிக்காட்டினர். இது ஒரு உயர்மட்ட முடிவை உள்ளடக்கியதாக இருக்கலாம். மாநிலத்தில் உள்ள மெட்டா குழுவும் இது ஏன் நடந்தது என்று குழப்பமடைந்துள்ளது. எனவே நான் அவர்களைக் குறை கூறவில்லை. ஏனெனில் இது அவர்களின் செயல் அல்ல. எனவே, மேலதிக விளக்கத்திற்காக காத்திருக்கிறோம்.
அடுத்த வாரம் கோலாலம்பூருக்கு ஒரு மெட்டா பிரதிநிதிகள் வந்து இந்த விஷயத்தை விளக்குவார்கள் என்று நாங்கள் நம்புகிறோம். அதுவரை நாங்கள் அவர்களுக்கு அவகாசம் கொடுப்போம் என்று மஸ்ஜித் நெகாராவில் இன்று ஹனியோவின் இறுதிச் சடங்கில் பிரதமரும் சுமார் 3,000 பேரும் கலந்து கொண்ட வெள்ளிக்கிழமை தொழுகையின் போது செய்தியாளர்களிடம் கூறினார்.
மேலும்,தற்காப்பு அமைச்சர் டத்தோஸ்ரீ முகமது காலிட் நோர்டின், தகவல் தொடர்பு அமைச்சர் ஃபஹ்மி ஃபட்சில், பிரதமர் துறை அமைச்சர் (சமய விவகாரங்கள்) டத்தோ டாக்டர் முகமட் நயிம் மொக்தார், பாதுகாப்புப் படைகளின் தலைவர் ஜெனரல் டான்ஸ்ரீ முகமது அப் ரஹ்மான் ஆகியோரும் கலந்து கொண்டனர்.
மெட்டா குறித்து கருத்துரைத்த ஃபஹ்மி, சமூக ஊடகப் பதிவுகளை மெட்டாவால் அகற்றுவது, பிரதமருக்கு நடந்தது போல் யாருக்கும் நடந்திருக்கக் கூடாது என்றார். இது மிகவும் வேடிக்கையானது. ஏனென்றால் அமெரிக்கா கருத்து சுதந்திரம் மற்றும் பேச்சு சுதந்திரம் பற்றி பேசுகிறது. எனவே மெட்டாவின் விஷயத்தில், அவர்கள் பிரசங்கிப்பதை அவர்கள் உண்மையில் நடைமுறைப்படுத்த வேண்டும் என்று நான் நினைக்கிறேன். இல்லையெனில், அது வெறும் பாசாங்குத்தனம் என்று அவர் கூறினார்.
பாலஸ்தீனத்தின் முன்னாள் பிரதமராகவும் இருந்த ஹனியே, ஜூலை 31 அதிகாலை ஈரானின் தெஹ்ரானில் உள்ள அவரது இல்லத்தை குறிவைத்து வான்வழித் தாக்குதலில் கொல்லப்பட்டதாக அறிவிக்கப்பட்டது. ஈரான் அதிபர் மசூத் பெசெஷ்கியானின் பதவியேற்பு விழாவில் கலந்து கொள்வதற்காக அவர் அங்கு சென்றிருந்தார்.
