கார் வாடகை செலுத்தாததால் கடத்தப்பட்டவர் மீட்பு; ஐந்து சந்தேக நபர்கள் கைது

கோல லங்காட்: காரின் வாடகையை செலுத்தத் தவறியதற்காக வலுக்கட்டாயமாக அழைத்துச் செல்லப்பட்ட கடத்தல் சம்பவத்தில் பாதிக்கப்பட்ட நபர், காவல்துறையினரால் மீட்கப்பட்டுள்ளார். கோல லங்காட் OCPD Suppt Ahmad Ridhwan Mohd Nor, ஆகஸ்ட் 5 ஆம் தேதி கடத்தல் தொடர்பாக ஒரு புகார் அளிக்கப்பட்டது.  அடையாளம் தெரியாத நபர்கள் ஆயுதங்களுடன் வந்து பாதிக்கப்பட்ட இருவரைக் கடத்திச் சென்றதாக அந்த புகாரில் தெரிவிக்கப்பட்டிருந்தது.

சந்தேக நபர்களில்  ஒருவர் பாதிக்கப்பட்டவர்களின் சகோதரரை அழைத்து சகோதரிகளை அழைத்துச் சென்றதாக கூறினார். பாதிக்கப்பட்டவர்களில் ஒருவர் சிறிது நேரத்தில் வீடு திரும்பினார். ஆனால் மற்றவரை தேடும் முயற்சிகள் தோல்வியடைந்தன என்று அவர் கூறினார். ஆகஸ்ட் 8 ஆம் தேதி அதிகாலை 2.30 மணியளவில், கிள்ளான்  பண்டார் புக்கிட் ராஜாவில் பாதிக்கப்பட்டவரை மீட்ட பிறகு, இரண்டு வெளிநாட்டவர்கள் உட்பட ஐந்து சந்தேக நபர்களை போலீசார் கைது செய்தனர்.

சந்தேக நபர்களில் ஒருவருக்கு சொந்தமான ஒரு வாகனத்திற்காக கடன் வாங்கப்பட்டதற்கு இழப்பீடு வழங்காதது தொடர்பான தகராறே இதற்குக் காரணம் என்று அஹ்மத் ரித்வான் கூறினார். 21 மற்றும் 37 வயதுடைய சந்தேக நபர்களிடம் பொலிஸார் மேற்கொண்ட சோதனையில், அவர்களில் இருவருக்கு முந்தைய குற்றப் பதிவுகள் இருப்பது தெரியவந்துள்ளது.

இந்தச் சோதனையின் போது, ​​கிள்ளான் பகுதியில் திருடப்பட்டதாகப் புகாரளிக்கப்பட்ட ஒரு வாகனத்தையும் வீட்டில் திருடுவதற்குப் பயன்படுத்தப்பட்டதாக நம்பப்படும் பல கருவிகள் மற்றும் சந்தேகத்திற்குரிய திருடப்பட்ட பொருட்களையும் போலீசார் கைப்பற்றினர் என்று அவர் கூறினார். இந்தக் கைதுகள், கடத்தல் வழக்கைத் தவிர, கோல லங்காட் பகுதியில் குறைந்தது ஐந்து வீட்டுத் திருட்டுகளைத் தீர்க்க வழிவகுத்தன.