பெண்களுக்கான 50 கிலோ ஃப்ரீஸ்டைல் பிரிவில் வினேஷ் போகட் அசத்தினார். இரண்டு உலக சாம்பியன்ஷிப்கள், மூன்று CWG மற்றும் எட்டு ஆசிய சாம்பியன்ஷிப் பதக்கங்களுடன், இந்தியாவின் மிகவும் திறமையான பெண் மல்யுத்த வீராங்கனையான போகட், பைனலுக்கு தகுதிபெற்றதால், இந்தியாவுக்கு மேலும் ஒரு பதக்கம் உறுதியானதாக கருதப்பட்டது.
இந்நிலையில், வினேஷ் போகட்டை தகுதி நீக்கம் செய்வதாக பாரிஸ் ஒலிம்பிக் குழு அறிவித்துள்ளது. இதனால், பைனலில் விளையாடமலே அமெரிக்க வீராங்கணை தங்கம் வென்றார். வெண்கலப் பதக்கத்திற்கான ஆட்டத்தில் வெற்றிபெறும் வீராங்கனைக்கு வெள்ளி பதக்கம் வழங்கப்படும். தோல்வியடையும் வீராங்கனைக்கு வெண்கலம் வழங்கப்படும் என அறிவிக்கப்பட்டுள்ளது.
50 கிலோ எடை பிரிவில் பங்கேற்ற வினேஷ் போகட், 5 கிலோ 100 கிராம் எடை இருந்ததாக குற்றச்சாட்டு எழுந்தது. இந்நிலையில், இந்த குற்றச்சாட்டு உறுதியானதால் போகட்டை தகுதி நீக்கம் செய்துள்ளனர்.
பாரிஸ் ஒலிம்பிக் 2024 தொடர் துவங்குவதற்கு முன், வினேஷ் போகட் 53 கிலோ இருந்திருக்கிறார். ஒலிம்பிக் தொடருக்கு முன், அவரது எடை 49.5 கிலோவாக இருந்திருக்கிறது. அந்த அளவுக்கு, உடனே உடல் எடையில் கட்டுபாட்டை கொண்டு வந்திருக்கிறார். ஒலிம்பிக்கின்போது, இவரது உடல் எடையை சரிபாக்க, தனியாக யாரும் கிடையாது. கோச் மற்றும் பிசியோ ஆகியோர் மட்டுமே வினேஷ் போகட் உடன் இருந்திருக்கிறார்கள்.
கடந்த செவ்வாய் இரவு, வினோஷ் போகட்டிற்கு 3 கிலோ எடை கூடியப் பிறகு, அவர் இரவு முழுவதும் உறங்காமல் தொடர்ந்து பயிற்சிகளை மேற்கொண்டு வந்ததிருக்கிறார். இதனால், எடை மீண்டும் கட்டுக்குள் வந்த நிலையில், மீண்டும் இன்று 100 கிராம் அதிகரித்ததாக கூறப்படுகிறது.
எடை சரிபார்ப்பு:
ஒவ்வொரு சுற்று போட்டிக்கு முன், உடல் எடையை சரிபார்ப்பது அவசியம். பாரிஸ் ஒலிம்பிக்கில் இதற்குமுன் நடைபெற்ற ஆட்டங்களில் வினேஷ் போகட்டின் எடை, 50 கிலோவுக்குள்தான் இருந்திருக்கிறது. இப்படி உடல் எடையை கண்ட்டோலாக வைத்துக்கொள்ள அவர் அதிகமாக நீர் பருகுவது கிடையாது, உப்பு, இனிப்பு வகைகளை அவர் தவிர்த்து வந்திருக்கிறார். இந்நிலையில், பைனலில் விளையாடுவதற்காக இன்று போகட் அரங்கிற்கு வந்திருக்கிறார்.
அப்போது வழக்கம்போல, உடல் எடையை சரிபாக்கும் நிகழ்வு நடந்திருக்கிறது. அப்போது போகட்டின் எடை 50 கிலோ, 100 கிராம் என்ற அளவில் இருந்திருக்கிறது. இதனால், உடனே போகட்டை தகுதி நீக்கம் செய்திருக்கிறார்கள். 100 கிராம் என்பது மிகவும் சிறய அளவு என்பதால், இதனை போகட் மற்றும் கோச் ஆகியோர் அறிந்திருக்கவில்லை எனக் கூறப்படுகிறது. அமெரிக்க மல்யுத்த வீராங்கனை விளையாடாமலே தங்க பதக்கத்தை தட்டிச்சென்றுள்ளார்.
