கோலாலம்பூர்:
சுகாதார அமைச்சின் புள்ளி விவரங்களின் அடிப்படையில் நாட்டில் 3.6 மில்லியன் மக்கள் நீரிழிவால் பாதிக்கப்பட்டுள்ளனர் என்ற அதிர்ச்சி தகவல் வெளியாகியுள்ளது. அதேநேரம் உலகம் முழுவதும் 537 மில்லியன் பேர் நீரிழிவால் அவதிபட்டு வருகின்றனர்.
இதில் குறைந்த வருமானம் பெரும் நாடுகளைச் சேர்ந்த மக்கள்தான் நீரிழிவுக்கு அதிகமாக பாதிக்கப்பட்டுள்ளனர், இதில் அதிர்ச்சி தரும் தகவல் என்னவென்றால் 50% மக்களுக்கு தங்களுக்கு நீரிழிவு இருப்பதை உணரவில்லை என்பதுதான்.
மலேசியாவில் நீரிழிவு நோயின் பரவல், குறிப்பாக வகை 2, தொற்றுநோய், விகிதத்தில் அதிகரித்துள்ளது.
தேசிய சுகாதாரம் மற்றும் நோயுற்ற கணக்கெடுப்பு 2023 ன் படி, நாட்டில் கிட்டத்தட்ட 2.3 மில்லியன் பெரியவர்கள் நீரிழிவு, உயர் இரத்த அழுத்தம், அதிக கொழுப்பு மற்றும் உடல் பருமன் ஆகிய நான்கு முக்கிய தொற்று அல்லாத நோய்களுடன் வாழ்ந்து வருவதாக தரவுகள் உறுதிப்படுத்துகின்றன.
மலேசியாவில் நீரிழிவு நோய் மிக முக்கியமான நோய்களில ஒன்றாக அடையாளம் காணப்பட்டுள்ளது.
கிட்டத்தட்ட 3.6 மில்லியன் அல்லது ஆறு பெரியவர்களில் ஒருவர் (15.6 சதவீதம்) நீரிழிவு நோயாளிகள் என்றும் புள்ளிவிவரங்கள் சொல்கின்றது.
அதிர்ச்சியூட்டும் வகையில், 18-29 வயதுக்குட்பட்ட பெரியவர்களில் 84 சதவிகிதம் பேருக்கு நீரிழிவு நோய் இருப்பது அவர்களுக்குத் தெரியாமல் இருக்கின்றது. அதேநேரம், மலேசிய பெரியவர்களில் 54.4 சதவீதம் பேர் உடல் பருமன் விகிதத்துடன் கொழுப்பாக உள்ளனர்.
எனவே நீரிழிவு நோயின் தாக்கத்தை அனைவரும் உணர்ந்து, தம்மை தயார் படுத்திக்கொள்ள வேண்டும். உடற்பயிற்சி மற்றும் சீரான, ஆரோக்கியமான உணவுப்பழக்க வழக்கத்தை கடைப்பிடிக்க வேண்டும் என்று கடந்த நவம்பர் 14 ஆம் தேதி கொண்டாடப்பட்ட உலக நீரிழிவு தினத்தின்போது பல நிபுணர்கள் மலேசியர்களுக்கு வலியுறுத்தியுள்ளனர்.
