மாமன்னர் சுல்தான் இப்ராஹிம் அவரின் துணைவியார் ஜரித் சோபியா ஆகியோர் இன்று மலேசிய தினத்திற்கு தங்கள் மனமார்ந்த வாழ்த்துக்களைத் தெரிவித்துக் கொள்கிறார்கள். மலேசியா எப்போதும் நீடித்த அமைதியால் ஆசீர்வதிக்கப்பட வேண்டும் என்றும், எந்தவொரு பேரழிவிலிருந்தும் பாதுகாப்பாக இருக்க வேண்டும் என்றும் அவர்கள் சமூக ஊடகப் பதிவில் பிரார்த்தனை செய்ததாக மாட்சிமை தங்கியவர்கள் தெரிவித்தனர்.
மலேசியாவின் பலத்தின் தூணாகத் தொடர்ந்து விளங்கும் பல்வேறு இனங்களைச் சேர்ந்த குடிமக்களிடையே ஒற்றுமை மற்றும் ஒருமித்த உணர்வுக்கு மாட்சிமை தங்கியவர் நன்றி தெரிவித்ததாக பெர்னாமா தெரிவித்துள்ளது.
நமது நாட்டின் மீதான அன்பு வெறும் சொல்லாட்சி அல்ல, மாறாக அதன் தொடர்ச்சியான சுதந்திரத்தையும் செழிப்பையும் உறுதி செய்வதற்கான அர்ப்பணிப்பு. ஒரு வலுவான தேசம் ஒன்றுபட்ட, ஒழுக்கமான மற்றும் சோர்வில்லாத முயற்சிகளைக் கொண்ட மக்களால் கட்டமைக்கப்படுகிறது என்று பதிவில் கூறப்பட்டுள்ளது.
மலேசியாவில் தொடர்ந்து தேசபக்தியை வளர்ப்போம், குடிமக்களாக நமது பொறுப்புகளை நிலைநிறுத்துவோம். இதனால் மலேசியா தொடர்ந்து முன்னேறி உலகளாவிய மரியாதையைப் பெறுவோம். Selamat Hari Malaysia என்று மாமன்னர் தம்பதியினர் தெரிவித்தனர்.
