கோலாலம்பூர்:
ரோஸ்மா மன்சூரை 17 பணமோசடி மற்றும் வரி ஏய்ப்பு குற்றச்சாட்டுகளில் இருந்து விடுவித்த உயர் நீதிமன்றத் தீர்ப்பை ரத்து செய்யக் கோரிய மேல்முறையீட்டை அரசுத் தரப்பு வாபஸ் வாங்கியுள்ளது,
ரோஸ்மாவின் சட்டக் குழுவில் உறுப்பினரான வழக்கறிஞர் அமர் ஹம்சா அர்ஷத் கூறுகையில், இரண்டு நாட்களுக்கு முன்பு மேல்முறையீட்டு நீதிமன்றத்தில் தாக்கல் செய்யப்பட்ட வழக்குத் தொடுநர் அறிவிப்பின் நகல் தங்களுக்கு வழங்கப்பட்டதாகக் கூறினார்.
அந்த அறிவிப்பில், துணை அரசு வழக்கறிஞர் சைஃபுல் எட்ரிஸ் ஜைனுதீன், வழக்குத் தொடுநர் தரப்பு மேல்முறையீட்டைத் தொடர விரும்பவில்லை என்று கூறினார்.
நீதிபதி கே. முனியாண்டி, முன்னாள் பிரதமர் நஜிப் ரசாக்கின் மனைவிக்கு எதிரான குற்றச்சாட்டுகள் சட்டவிரோதமானவை மற்றும் குறைபாடுள்ளவை என்று தீர்ப்பளித்த ஒரு நாளுக்குப் பிறகு, டிசம்பர் 20, 2024 அன்று, அந்த தீர்ப்பை எதிர்த்து மேல்முறையீட்டு அறிவிப்பு தாக்கல் செய்யப்பட்டது.
முன்னாள் பிரதமர் டத்தோ ஶ்ரீ நஜீப் துன் ரசாக்கின் மனைவியான ரோஸ்மா, 7 மில்லியன் ரிங்கிட் சம்பந்தப்பட்ட சட்டவிரோதப் பணமாற்றம் தொடர்பில் 7 குற்றச்சாட்டுகளையும், தனது வருமான விவரத்தை வருமான வரி வாரியத்திடம் தெரிவிக்கத் தவறியது தொடர்பில் 5 குற்றச்சாட்டுகளையும் எதிர்நோக்கியிருந்தார்.
