சிரம்பான் சுங்கை காடுட்டில் உள்ள ஒரு மேல்நிலைப் பள்ளிக்கு முன்னால் 25 வயது இளைஞர் ஒருவரின் கார் ஆற்றில் விழுந்ததில் உயிரிழந்தார். நெகிரி செம்பிலான் தீயணைப்பு மற்றும் மீட்புத் துறை, ஓட்டுநர் சம்பவ இடத்திலேயே இறந்துவிட்டதாக மருத்துவப் பணியாளர்கள் உறுதிப்படுத்தியதாகத் தெரிவித்தனர்.
எங்கள் குழு காருக்குள் இருந்து பாதிக்கப்பட்டவரின் உடலை மீட்டெடுத்தது என்று செய்தித் தொடர்பாளர் ஒருவர் தெரிவித்தார். மேலதிக நடவடிக்கைகளுக்காக உடல் காவல்துறையிடம் ஒப்படைக்கப்பட்டது.
சம்பவம் தொடர்பாக நேற்று மாலை 5 மணிக்கு அவசர அழைப்பு வந்ததால், செனாவாங் மற்றும் ரந்தாவ் தீயணைப்பு மற்றும் மீட்பு நிலையங்களில் இருந்து 14 அதிகாரிகள் மற்றும் பணியாளர்கள் சம்பவ இடத்திற்கு அனுப்பப்பட்டனர்.
