கோத்தா கினபாலு: சபா கடற்கரையில் அதிகாலை 12.57 மணிக்கு 6.8 ரிக்டர் அளவிலான நிலநடுக்கம் ஏற்பட்டது, ஆனால் சுனாமி அச்சுறுத்தல் எதுவும் இல்லை. நிலநடுக்கத்தின் மையப்பகுதி 7.0° வடக்கு மற்றும் 116.4° கிழக்கே ஆயத்தொலைவுகளில், 678கிமீ ஆழத்தில் அமைந்திருப்பதாக வானிலை ஆய்வுத் துறை (மெட்மலேசியா) இன்று காலை ஒரு அறிக்கையில் தெரிவித்துள்ளது.
குடாட்டிலிருந்து மேற்கே 49கிமீ தொலைவில் நில நடுக்கத்தின் மையப்பகுதி அமைந்திருந்தது. சபா முழுவதும், சரவாக் மற்றும் தீபகற்ப மலேசியாவின் சில பகுதிகளிலும் நிலநடுக்கங்கள் உணரப்பட்டன என்று மெட்மலேசியா கூறியது. மேலும் நிலைமையை தொடர்ந்து கண்காணித்து வருவதாகவும் கூறியது.
நிலநடுக்கத்தை உணர்ந்த எவரும் தங்கள் அனுபவத்தின் விவரங்களை https://forms.gle/bRkJBUqLEPAf8KVw9 என்ற முகவரியில் சமர்ப்பிக்குமாறு கேட்டுக் கொண்டது.
