கோலாலம்பூர்:
மலேசியாவின் பெரும்பாலான மாநிலங்களில் இன்று மாலை வரை இடியுடன் கூடிய கனமழை மற்றும் பலத்த காற்று வீசக்கூடும் என மலேசிய வானிலை ஆய்வு மையம் (MetMalaysia) எச்சரிக்கை விடுத்துள்ளது.
இன்று மாலை 7:00 மணி வரை தீபகற்ப மலேசியாவின் சில மாநிலங்களில் மோசமான வானிலை நிலவக்கூடும் என்றும் குறிப்பாக பிற்பகல் மற்றும் மாலை நேரங்களில் இடியுடன் கூடிய மழை பெய்யக்கூடும் என்று கணிக்கப்பட்டுள்ளது. இரவு நேரங்களில் சில இடங்களில் மழை தொடரலாம் என்றும் வானிலை ஆய்வு மையம் வெளியிட்டுள்ள ஓர் அறிக்கையில் தெரிவித்துள்ளது.
சிலாங்கூர், கோலாலம்பூர், ஜோகூர், பேராக், கெடா, பகாங் மற்றும் நெகிரி செம்பிலான் ஆகிய மாநிலங்களின் சில இடங்களில் பலத்த மழையும் என்றும் இடியும் ஏற்பட வாய்ப்புள்ளதாகவும் ஆனது தெரிவித்துள்ளது.
அதேநேரம் நாட்டின் சராசரி வெப்பநிலை 24°C முதல் 34°C வரை இருக்கும் என்று எதிர்பார்க்கப்படுகிறது.
இடியுடன் கூடிய மழை பெய்யும் போது பொதுமக்கள் திறந்தவெளிப் பகுதிகளுக்குச் செல்வதைத் தவிர்க்குமாறு அறிவுறுத்தப்படுகிறார்கள்.
பலத்த காற்றினால் மரங்கள் விழும் அபாயம் இருப்பதால், வாகன ஓட்டிகள் சாலையில் மிகுந்த எச்சரிக்கையுடன் இருக்குமாறு கேட்டுக்கொள்ளப்படுகிறார்கள்.
தாழ்வான பகுதிகளில் வசிக்கும் மக்கள் திடீர் வெள்ளம் (Flash Floods) ஏற்பட வாய்ப்புள்ளதால் முன்னெச்சரிக்கையுடன் இருக்குமாறு அறிவுறுத்தப்படுகிறார்கள்.
வானிலை குறித்த உடனுக்குடனான தகவல்களை அறிய பொதுமக்கள் MetMalaysia-வின் அதிகாரப்பூர்வ இணையதளம் அல்லது myCuaca செயலியைத் தொடர்ந்து கவனிக்குமாறு கேட்டுக்கொள்ளப்படுகிறார்கள்.
