ஷா ஆலமில் உள்ள ஒரு பள்ளியில், ஆகஸ்ட் 5ஆம் தேதி அன்று இரண்டாம் படிவ மாணவர் ஒருவர், சக மாணவரால் 10 செ.மீ நீளமுள்ள வளைந்த கத்தியால் குத்தப்பட்டதாக நம்பப்படுகிறது. ஷா ஆலம் காவல் நிலையத் தலைவர் சரூதின் சமா இந்தச் சம்பவத்தை உறுதிப்படுத்தினார். மேலும், பாதிக்கப்பட்ட மாணவருக்குக் கையில் சிறு காயம் ஏற்பட்டதாகவும் அவர் கூறினார்.
இந்தச் சம்பவத்தில், ஒரு மாணவி சந்தேக நபராகவும், ஒரு மாணவர் பாதிக்கப்பட்டவராகவும் உள்ளனர். இவர்கள் இருவரும் சக மாணவர்கள் என்று அவர் ஒரு அறிக்கையில் கூறியதாக பெர்னாமா செய்தி வெளியிட்டுள்ளது. சந்தேக நபர் கைது செய்யப்பட்டு, காவல் பிணையில் விடுவிக்கப்பட்டுள்ளதாகவும் அவர் கூறினார்.
இந்தச் சம்பவத்திற்கு வெளிப்படையான நோக்கம் எதுவும் இல்லை, மேலும் சந்தேக நபர் உடல்நலக்குறைவால் பாதிக்கப்பட்டிருப்பதாக நம்பப்படுகிறது என்று அவர் மேலும் கூறினார். ஆபத்தான ஆயுதங்கள் அல்லது வழிமுறைகளைப் பயன்படுத்தித் தானாக முன்வந்து காயம் ஏற்படுத்துதல் என்ற குற்றத்திற்காக, தண்டனைச் சட்டத்தின் 324ஆவது பிரிவின் கீழ் இந்த வழக்கு விசாரிக்கப்பட்டு வருகிறது.
