கோலாலம்பூர்: மே 9, 2018 அன்று நடைபெற்ற 14ஆவது பொதுத் தேர்தல் (GE14) மலேசியா வரலாற்றில் பெரிய தாக்கத்தை ஏற்படுத்தியுள்ளது. அன்று முதல், பல இடைத்தேர்தல்கள் பல்வேறு காரணங்களுக்காக நடத்தப்பட வேண்டி இருந்தது. மாநிலத் தேர்தல்களுக்கான ‘அழைப்பு’ உட்பட பல எதிர்பாராத நிகழ்வுகளை மலேசியர்கள் கண்டனர்.
14ஆவது நாடாளுமன்றத்தின் ஆட்சிக் காலத்தில், மொத்தம் 12 இடைத்தேர்தல்கள் நடைபெற்றன. அதில் 2018 இல் நான்கு, 2019 இல் ஐந்து மற்றும் 2020 இல் மூன்று இடைத்தேர்தல்கள் நடைபெற்றன. மாமன்னர் அல்-சுல்தான் அப்துல்லா ரியாதுதீன் அல்-முஸ்தபா பில்லா ஷா கோவிட்-19 பரவுவதைத் தடுக்க அவசரகால பிரகடனங்களை அறிவித்த பிறகு, சபாவில் பத்து சாபி மற்றும் புகாயா மற்றும் பேராக்கில் உள்ள கெரிக் ஆகிய மூன்று இடைத் தேர்தல்கள் நடைபெறவில்லை. .
இருப்பினும், இந்த ஆண்டு அக்டோபர் 6 ஆம் தேதி, அல்-சுல்தான் அப்துல்லா ஆறு சட்டங்கள் மற்றும் மூன்று இடைத்தேர்தல்களை நடத்துவதைத் தடுக்கும் அவசரகால பிரகடனங்களை ரத்து செய்ய ஒப்புக்கொண்டார்.
கடந்த நான்கு ஆண்டுகளில், முதல் இடைத்தேர்தல் GE14 நடந்த மூன்று மாதங்களுக்குப் பிறகுதான் நடத்தப்பட்டது. அதாவது ஆகஸ்ட் 4, 2018 அன்று சிலாங்கூரில் உள்ள சுங்கை கண்டிஸ் மாநிலத் தொகுதிக்கு, பக்காத்தான் ஹராப்பான் (PH) இடத்தைத் தக்க வைத்துக் கொண்டது.
அதே ஆண்டில் நடந்த மற்ற மூன்று இடைத்தேர்தல்கள் சிலாங்கூரில் உள்ள பாலகோங் மற்றும் ஶ்ரீ செத்தியா மாநிலத் தொகுதிகளுக்கு செப்டம்பர் 8 அன்றும், போர்ட்டிக்சன் நாடாளுமன்றத் தொகுதிக்கு அக்டோபர் 13 அன்றும் நடந்தன. அனைத்து இடங்களும் PH ஆல் வெற்றி பெற்றன.
2019 ஆம் ஆண்டில், கேமரன் ஹைலேண்ட்ஸ் நாடாளுமன்றத் தொகுதியில் ஜனவரி 26 ஆம் தேதி முதல் இடைத்தேர்தல் நடத்தப்பட்டது. அங்கு தேசிய முன்னணி தொகுதியைத் தக்க வைத்துக் கொண்டது. மார்ச் 2 அன்று இடைத்தேர்தல் நடைபெற்றபோது சிலாங்கூரில் உள்ள Semenyih மாநில தொகுதியிலும் கூட்டணி வெற்றி பெற்றது.
ஏப்ரல் 13, 2019 அன்று, தேசிய முன்னணி நெகிரி செம்பிலானில் ரந்தாவ் மாநிலத் தொகுதியில் போட்டியிட்டுத் தக்கவைத்துக் கொண்டது. அதே ஆண்டு மே 11 அன்று சபாவில் சண்டகன் நாடாளுமன்றத் தொகுதிக்கான இடைத்தேர்தலில் PH வெற்றி பெற்றது.
2019 ஆம் ஆண்டின் இறுதியில், நவம்பர் 16 ஆம் தேதி ஜோகூரில் உள்ள தஞ்சோங் பியா நாடாளுமன்றத் தொகுதிக்கு இடைத்தேர்தல் நடத்தப்பட்டது. இதில் தேசிய முன்னணி மிகப்பெரிய வெற்றியைப் பெற்றது.
2020 இல், சபாவில் உள்ள கிமானிஸ் நாடாளுமன்றத் தொகுதிக்கான இடைத்தேர்தல் ஜனவரி 18 அன்று நடைபெற்றது. இதிலும் தேசிய முன்னணி வெற்றியைப் பெற்றது. ஜூலை 4 அன்று இடைத்தேர்தல் நடைபெற்றபோது, பகாங்கில் உள்ள சினி மாநிலத் தொகுதியையும் அது தக்க வைத்துக் கொண்டது.
