கோலாலம்பூர்: மலேசிய ஊழல் தடுப்பு ஆணையம் (MACC) கடந்த ஐந்து ஆண்டுகளில் ஊழல் தொடர்பான நடவடிக்கைகளில் இருந்து RM31.4 பில்லியன் மதிப்புள்ள சொத்துக்களை பறிமுதல் செய்துள்ளது. அதே காலகட்டத்தில் கிட்டத்தட்ட RM28 பில்லியன் மதிப்புள்ள சொத்துக்களை ஆணையம் வெற்றிகரமாக பறிமுதல் செய்துள்ளதாக அதன் தலைமை ஆணையர் டான் ஸ்ரீ அஸா பாக்கி தெரிவித்தார்.
Ops Metal இன் கீழ் கடத்தல் கும்பல்கள் மீதான சோதனைகளின் போது கைப்பற்றப்பட்ட சுமார் RM183 மில்லியன் மதிப்புள்ள சொத்துக்களும் இந்தத் தொகையில் அடங்கும் என்று அவர் கூறினார். ஃபைபர் நெட்வொர்க் மேம்பாட்டுத் திட்டம் தொடர்பான விசாரணையில் RM620 மில்லியன் மதிப்புள்ள ரியல் எஸ்டேட் பறிமுதல் செய்யப்பட்டது. அத்துடன் நெடுஞ்சாலை கட்டுமான நிதியை மோசடி செய்த வழக்கில் மொத்தம் RM36 மில்லியன் மதிப்புள்ள ரொக்கம், சொகுசு கார்கள், வங்கிக் கணக்குகள் பறிமுதல் செய்யப்பட்டன.
“MACC ‘டான் ஸ்ரீ’யின் இல்லத்திலிருந்து RM32 மில்லியன் பறிமுதல் செய்யப்பட்ட சொத்துக்களில் 217 சொகுசு கடிகாரங்கள் மற்றும் 27 டிசைனர் கைப்பைகள் அடங்கும் என்று அவர் வெள்ளிக்கிழமை (ஆகஸ்ட் 15) ஒரு அறிக்கையில் தெரிவித்தார்.
MACCயின் பணமோசடி தடுப்பு (AML) பிரிவு தற்போது நிலம் மற்றும் கட்டிடங்கள் உட்பட 41 அசையா சொத்துக்களை நிர்வகித்து வருகிறது. அவை அகற்றப்படுவதற்காக காத்திருக்கின்றன என்றும் அவர் கூறினார். ஊழல் மற்றும் பணமோசடியில் ஈடுபட்டவர்களைக் கண்டறிந்து, விசாரித்து, அவர்களுக்கு எதிராக உறுதியான நடவடிக்கை எடுப்பதில் MACCயின் முன்னெச்சரிக்கை அணுகுமுறைக்கு இந்த நடவடிக்கைகள் தெளிவான சான்றாக இருப்பதாக அசாம் விவரித்தார்.
இந்த எண்ணிக்கை வெறும் புள்ளிவிவரம் மட்டுமல்ல, குற்றவியல் வருமானத்திலிருந்து சொத்துக்களை மீட்டெடுப்பதில் MACCயின் உறுதிப்பாட்டின் அளவை நாட்டிற்க்ய் பிரதிபலிக்கிறது என்று அவர் கூறினார். இதுபோன்ற முயற்சிகள் தேசத்திற்கு வருவாயை மீட்டெடுப்பது மட்டுமல்லாமல், நாட்டின் அமலாக்க முகமைகள் மீதான பொதுமக்களின் நம்பிக்கையையும் வலுப்படுத்தும் என்று அவர் மேலும் கூறினார்.
