புத்ராஜெயா:
மக்கள் நடமாட்ட கட்டுப்பாட்டு ஆணையை மீறியதற்காக கடந்த 48 மணி நேரத்தில் கிட்டத்தட்ட 400 பேர் கைது செய்யப்பட்டதாக மூத்த அமைச்சர் டத்தோஶ்ரீ இஸ்மாயில் சப்ரி யாகோப் தெரிவித்தார்.
மக்கள் வீட்டில் தங்க வேண்டும் என்று பலமுறை நினைவூட்டல்கள் இருந்தபோதிலும், பல நபர்கள் உடற்பயிற்சி செய்வதற்கும் வெள்ளிக்கிழமை பிரார்த்தனை செய்வதற்கும் வெளியே சென்றனர்.
“நேற்று, சில குடியிருப்பாளர்கள் குழுக்களாக வெளியே சென்று ஜாக்கிங் செய்த சம்பவங்கள் பதிவாகின. “எம்.சி.ஓ அனைவருக்கும் பொருந்தும் என்பதால் அவர்களுக்கு எதிராக நடவடிக்கைகள் எடுக்கப்பட்டுள்ளன” என்று இன்று நடைபெற்ற செய்தியாளர்கள் கூட்டத்தில் பாதுகாப்பு அமைச்சராக இருக்கும் இஸ்மாயில் சப்ரி கூறினார்.
மேலும் வெள்ளிக்கிழமை தொழுகை நடத்தி வந்த 116 நபர்களையும் ஐந்து வெவ்வேறு மசூதிகளில் அதிகாரிகள் தடுத்து வைத்தனர்.
எம்.சி.ஓ அமலாக்கத்தின்போது சட்டவிரோதமாக நாட்டிற்குள் நுழைய வெளிநாட்டினர் பயன்படுத்தும் குறுக்கு வழிகளையும் போலீசார் அடையாளம் கண்டுள்ளனர் என்று அவர் கூறினார்.
இதற்கிடையில், எம்.சி.ஓ அமல்படுத்தப்பட்டதிலிருந்து மார்ச் 25 வரை, போலி முககவசங்களை ஆன்லைனில் விற்பனை செய்வது குறித்து 393 விசாரணைகளை போலீசார் தொடங்கியிருப்பதாகவும் இதில் 3 கோடி வெள்ளி இழப்பு ஏற்பட்டதாகவும் அவர் கூறினார்.
ஆன்லைன் ஊழல் சம்பவங்கள் அதிகரித்து வருவதாகவும், அதில் பணியாளர் வருங்கால வைப்பு நிதி (இபிஎஃப்) திரும்பப் பெறும் திட்டம் தொடர்பான தொலைபேசி அழைப்புகள் அடங்கும் என்றும் அவர் கூறினார்.
தெரியாத நபரிடம் இருந்து வரும் அழைப்புகளுக்கு முக்கியத்துவம் வழங்க வேண்டாம். ஈபிஎஃப் திரும்பப் பெறுவதற்கு, தயவுசெய்து ஈபிஎப்பிலிருந்து தகவல்களைப் பெற்று அவர்களின் வழிமுறைகளைப் பின்பற்றவும் என்று அவர் அறிவுறுத்தினார்.
