எங்களின் பிரச்சினைகளுக்குத் தீர்வு காணுங்கள்

மலேசியாவில் ஒரு சில தொழில்கள் (உணவகங்கள், ஜவுளித்துறை) ஆகியவை உள்ளூர் மக்களால் ஒதுக்கி வைக்கப்படுகிறது மேலும் SME க்கள் திவாலாகும் முன், சேவைத் தொழிலுக்கான வெளிநாட்டு தொழிலாளர்கள் மறுசீரமைப்பு திட்டத்தை அரசாங்கம் அனுமதிக்க வேண்டும் என்று KLSICCI மற்றும் PRIMAS கோரிக்கையை முன்வைத்துள்ளது.

கோவிட்- 19 க்கு முன்பே, சேவைத் துறை குறிப்பாக மனிதவளத்தால் இயக்கப்படும் உணவுத் துறை தொழிலை அதிக உற்பத்தித் திறன் கொண்ட தொழிலாளர்கள் பற்றாக்குறையை எதிர்கொண்டுள்ளது. COVID-19 க்குப் பிறகு, MCO  மற்றும் வணிகங்களுக்கு அதன் தாக்கத்தைத் தவிர, அத்தியாவசிய பொருளாதாரத் துறையாகப் பட்டியலிடப்பட்டிருந்தாலும் எஃப் & பி (F&B)       துறை மோசமாக பாதிக்கப்பட்டது.

கோலாலம்பூர் & சிலாங்கூர் இந்திய வர்த்தக மற்றும் தொழில்துறை சபை (KLSICCI) மற்றும் மலேசிய இந்திய உணவக உரிமையாளர்கள் சங்கம் (PRIMAS) ஆகியவை அதன் சமீபத்திய  கலந்துரையாடலில், உணவகத்துறையில் அதிகரித்து வரும் இந்த பிரச்சினை குறித்து பிரதமர், மனிதவள அமைச்சர் உள்ளிட்ட அமைச்சர்களுக்கு இது தொடர்பான விளக்க கடிதம் அனுப்பப்படும்.

KLSICCI இன் தலைவர் டத்தோ ஆர்.ராமநாதன் மற்றும் பிரிமாஸ் தலைவர் சுரேஷ் கோவிந்தசாமி  ஆகியோர்  கூட்டாக வெளியிட்டிருந்த அறிக்கையில் நவம்பர் 2020 முதல் 2021 ஜூன் 30 வரை தொடங்கப்பட்ட தற்போது அனுமதிக்கப்பட்ட வெளிநாட்டு தொழிலாளர்கள் மறுசீரமைப்பு திட்டம் சேவைத் துறைக்கு நீட்டிக்கப்படவில்லை என்பது வருந்தமளிக்கும் விஷயமாக இருப்பதாகத் தெரிவித்தனர்.

மறுசீரமைப்பு திட்டத்தில் சேவைத் துறையை அனுமதிப்பதன் மூலம் சேவைத் துறையில் சட்டவிரோத வெளிநாட்டுத் தொழிலாளர்களை ஒழிக்கும் முயற்சியில் அரசாங்கம் இன்னும் தெளிவான திட்டத்தை  வகுக்க வேண்டும் என்று டத்தோ ராமநாதன் கூறினார்.

PRIMAS தலைவர் சுரேஷ் கூறுகையில் தற்போதைய சூழ்நிலை நீடித்தால், உணவுத் துறை தொழிலுக்கு பேரழிவு தரும். இதன் விளைவாக ஆயிரக்கணக்கான உணவகங்கள் மூடப்படும்.

வணிக சமூகம் எதிர்கொள்ளும் பல பிரச்சினைகளை KLSICCI சமீபத்தில் எடுத்துக்காட்டுகிறது, குறிப்பாக ஆடை, ஜவுளி மற்றும் சில்லறை தொழில் ஆகியவை MCO2.0 இல் MKN ஆல் அனுமதிக்கப்பட்ட அத்தியாவசிய பொருளாதார துறையில் தேர்வு செய்யப்பட்டன. அதற்கு முன்னர் ஹேர் டிரஸ்ஸிங் மற்றும் முடிதிருத்தும் துறை உடனடி தாக்கத்தை எதிர்கொண்டது.

ஏனெனில் எந்தவொரு வணிக நடவடிக்கையும் உடனடியாக அனுமதிக்கப்படவில்லை. இந்த வணிகத் துறையின் செயல்பாடுகளை கடுமையான SOP இன் கீழ் அனுமதிக்கும் முடிவை மறுபரிசீலனை செய்ய MITI & KPDNHEP ஐ ஈடுபடுத்துவதன் மூலம் KLSICCI மற்ற தொழில் கூட்டாளர்களுடன் ஒரு முக்கிய பங்கைக் கொண்டிருந்தது.

இந்த விவகாரத்தில் மனிதவளத் துறை அமைச்சர் டத்தோ ஶ்ரீ  எம்.சரவணனின் உடனடி கவனத்தை பெறவும் KLSICCI மற்றும் PRIMAS ஆகியவை அடுத்த வார இறுதியில் கூடி இந்த முக்கியமான விஷயத்தை வரும் அமைச்சரவைக் கூட்டத்திற்கு கொண்டு செல்லவிருப்பதாகத் தெரிவித்தனர்.