ஈப்போ: சில இடங்களில் கோழியின் விலை 100% வரை உயர்த்தப்பட்டுள்ளது என்ற கூற்றுக்களை பேராக் உள்நாட்டு வர்த்தக மற்றும் நுகர்வோர் துறை விசாரித்து வருவதாக டத்தோ அப்துல் யூனுஸ் ஜமாஹ்ரி தெரிவித்துள்ளார்.
பேராக் உள்நாட்டு வர்த்தக மற்றும் நுகர்வோர் குழுத் தலைவர் கூறுகையில், சில கோழி விற்பனையாளர்கள் தங்கள் சப்ளையர் விலைகளை அதிகரித்ததால் இறைச்சியை அதிக விலைக்கு விற்க வேண்டியிருக்கிறது என்று கூறினர்.
குறிப்பாக ரமலான் மாதத்தில் அத்தியாவசியப் பொருட்களுக்கான விலை உயர்வு குறித்து மாநில அரசு கவலை கொண்டுள்ளது என்றார். தங்கள் அலுவலகம் இந்த விவகாரத்தை தொடர்ந்து விசாரிக்கும். தேவையான நடவடிக்கை எடுக்கும் என்று அப்துல் யூனுஸ் கூறினார்.
அவர் மேலும் கூறுகையில், வெள்ளிக்கிழமை (ஏப்ரல் 16) நிலவரப்படி, Ops Pasar and Ops Catut 8.0. இன் கீழ் விலை கட்டுப்பாடு மற்றும் இலாப எதிர்ப்பு சட்டம் 2011 இன் பிரிவு 21 இன் கீழ் மொத்தம் 109 நோட்டீஸ்களை அலுவலகம் வெளியிட்டுள்ளது. ஈரமான பொருட்கள் பிரிவின் கீழ் உள்ள பொருட்களில் கோழி இறைச்சி அடங்கும் என்று அப்துல் யூனுஸ் கூறினார்.
கோழி விற்பனையாளர்களுக்கு மொத்தம் 50 அறிவிப்புகளும் இறைச்சி வர்த்தகர்களுக்கு 23 அறிவிப்புகளும் காய்கறி விற்பனையாளர்களுக்கு 36 அறிவிப்புகளும் வழங்கப்பட்டுள்ளன. அவை அனைத்தும் லாபம் ஈட்டியற்காக விசாரிக்கப்படுகின்றன என்றார்.
ஊடக அறிக்கைகளின் கருத்து படி பல கோழி விற்பனையாளர்கள் ஒரு கிலோவிற்கு RM10.50 முதல் RM12 வரை விலைகளை அதிகரித்து இருக்கின்றனர். சப்ளையர்களும் விலையை உயர்த்தியதாகக் கூறினார்.
பேராக்கில் கோழி வளர்ப்பாளர்கள், மொத்த விற்பனையாளர்கள் மற்றும் உற்பத்தியாளர்களையும் இந்த துறை கண்காணித்து வருவதாக அப்துல் யூனுஸ் கூறினார்.
வெள்ளிக்கிழமை முதல், கோழி மொத்த விற்பனையாளர்களுக்கு நான்கு நோட்டீஸ் அனுப்பப்பட்டதாகவும், விசாரணையில் ஏதேனும் லாபம் ஈட்டும் நடவடிக்கை இருந்தால் கடுமையான நடவடிக்கை எடுக்கப்படும் என்றும் அவர் கூறினார்.
சந்தையில் கோழி மற்றும் பிற அத்தியாவசிய பொருட்களின் வழங்கல் மற்றும் விலைகளை துறை தொடர்ந்து கண்காணிக்கும். இதனால் நுகர்வோர் பொருட்களை நியாயமான விலையில் பெற முடியும் என்று அவர் கூறினார்.
அழைப்பு மையமான 1800-886-800, போர்ட்டல் e-aduan@kpdnhep.gov.my வழியாகவோ அல்லது 05-2414611 என்ற தொலைபேசி எண்ணை அழைப்பதன் மூலம் துறைக்கு உத்தியோகபூர்வ புகார்களை வழங்குமாறு அப்துல் யூனுஸ் அறிவுறுத்தினார்.
