–காரணமென்ன?
எல்லா விமானங்களும் ஏன் வெள்ளை நிறத்தில் இருக்கின்றன?
உலகில் அதிவேகமாக பயணம் செய்ய ஒரே வழி, விமானம் தான். பெரிய அளவிலான வர்த்தகமும் விமானப் போக்குவரத்து மூலம் நடக்கிறது. அது சரி, ஏன் விமானங்கள் எல்லாம் வெள்ளை நிறத்தில் இருக்கின்றன?
* வெயில் மற்றும் புற ஊதா கதிர்வீச்சால் பெரும்பாலும் எல்லா வண்ணங்களும் பாதிக்கப்படும். சீக்கிரம் மங்கிவிடும். ஆனால், வெள்ளை மங்காது.
* நிறங்கள் எல்லாம் வெப்பத்தை உள்வாங்கும் தன்மை உடையவை. இதனால், அதிகம் சூடாகவும் வாய்ப்பு உண்டு. வெள்ளை நிறம் ஒளி அலைநீளத்தைப் பிரதிபலிக்கிறது. அதனால் அது அதிக வெப்பத்தை உள்வாங்காது. இதனால் அதிகமாக விமானம் சூடாகாது.
* இவற்றையெல்லாம் தவிர்த்து, விமானத்துக்கு ஒருமுறை வண்ணம் பூச 33 லட்சம் முதல் 1.33 கோடி வரை செலவாகும். வண்ணங்கள் எண்ணிக்கை அதிகரிக்கும் போது அதன் செலவும் அதிகரிக்கும். அதனால்தான் இதுபோன்ற காரணங்களால் விமானம் வெள்ளை நிறத்திலேயே இயக்கப்படுகிறது.