கோலாலம்பூர்: நேற்றைய நிலவரப்படி மொத்தம் 8,258,110 மலேசியர்கள் அல்லது 25.3% மக்கள் முழுமையாக தடுப்பூசி போடப்பட்டுள்ளதாக சுகாதார அமைச்சர் டாக்டர் ஆதாம் பாபா தெரிவித்தார்.
தனது டுவிட்டர் கணக்கில் பகிரப்பட்ட ஒரு இன்போகிராஃபிக் மூலம், 15,350,180 பேருக்கு முதல் டோஸ் வழங்கப்பட்டுள்ளது என்றார்.
இதன் மூலம், நேற்றுவரை தேசிய கோவிட் -19 நோய்த்தடுப்புத் திட்டத்தின் மூலம் 23,608,290 டோஸ் தடுப்பூசி வழங்கப்பட்டது என்று அவர் கூறினார்.
விழுக்காட்டின் அடிப்படையில், நாட்டின் மக்கள்தொகையில் 47% தடுப்பூசியின் முதல் டோஸைப் பெற்றுள்ளனர். அதே நேரத்தில் 25.3% இரண்டு டோஸ்களையும் முடித்துள்ளனர் என்று அவர் கூறினார்.
தினசரி தடுப்பூசி விகிதத்தில், மொத்தம் 447,035 டோஸ் நேற்று வழங்கப்பட்டது. அவர்களில் 187,756 பேர் முதல் டோஸ் பெறுபவர்கள் மற்றும் 259,279 பேர் இரண்டாவது டோஸ் பெறுகின்றனர். தேசிய COVID-19 நோய்த்தடுப்பு திட்டம் கடந்த பிப்ரவரி 24 அன்று தொடங்கப்பட்டது.
