இந்திரா காந்தியின் கணவர் முஹம்மது ரிதுவான் அப்துல்லாவை 12 வருடங்களுக்குப் பிறகும் கண்டுபிடிக்க முடியாத காவல்துறையின் இயலாமையை விசாரிக்க ஒரு தனிப்படை அமைக்க பிரதமர் இஸ்மாயில் சப்ரி யாகோப்பிற்கு வலியுறுத்தல் எழுந்துள்ளது.
அவரது வழக்கறிஞர்கள் ராஜேஷ் நாகராஜன் மற்றும் சஸ்ப்ரீத்ராஜ் சிங் சோஹன்பால் ஆகியோர் வெளியிட்ட அறிக்கையில், காவல்துறையின் திறமையின்மையை விசாரிக்கும் பணிக்குழு முன்னாள் நீதிபதிகளை உள்ளடக்கியதாக இருக்க வேண்டும்.
தீயணைப்பு வீரர் முஹம்மது ஆதிப் முகமது காசிமின் மரணம், புவால் பத்து பூத்தே ஊழல் மற்றும் முன்னாள் அட்டர்னி ஜெனரல் டோமி தாமஸ் செய்த நீதித்துறை குறுக்கீடு குற்றச்சாட்டுகளை விசாரிக்க அரசாங்கத்தால் தனி பணிக்குழு அமைக்கப்பட்டதை தொடர்ந்து இந்திரா காந்தியின் வழக்கிற்கும் முக்கியத்துவம் வழங்குமாறு வலியுத்தினர்.
2014 ஆம் ஆண்டு ஈப்போ உயர் நீதிமன்ற உத்தரவுக்குப் பிறகு கடந்த ஏழு ஆண்டுகளில் காவல்துறை எந்த முன்னேற்றமும் அடையவில்லை என்பது காரணத்திற்கு அப்பாற்பட்டது என்று அவர்கள் மேலும் கூறினர்.
ஈப்போ உயர் நீதிமன்றம் 2014 இல் இந்திராவின் மகள் பிரசனா டிக்சாவுடன் தேடவும் மீட்டெடுக்கவும் உத்தரவு பிறப்பிக்கப்பட்டது. மிக சமீபத்தில், உயர்நீதிமன்றத்தை அவமதிப்பிற்காக ரிதுவான் மீது கைது வாரண்டை நிறைவேற்றுவதில் செயல்படாததற்காக காவல்துறை மற்றும் அரசாங்கத்திற்கு எதிரான இந்திராவின் வழக்கை முழுமையாக விசாரிக்க உத்தரவிட்டது. ரிதுவானுக்கு எதிரான உத்தரவை நிறைவேற்றுவதில் காவல்துறையின் செயலற்ற தன்மையைக் காரணம் காட்டி இந்திரா கடந்த ஆண்டு மீண்டும் வழக்கு தாக்கல் செய்தது குறிப்பிடத்தக்கது.
