போர்ட்டிக்சனில் மது அருந்தி விட்டு வாகனம் ஓட்டியதாக சந்தேகிக்கப்படும் 29 வயதான பொறியாளர் ஒருவர் குடிபோதையில் போக்குவரத்துக்கு எதிராகச் சென்று மற்ற இரண்டு வாகனங்கள் மீது மோதியதால் கைது செய்யப்பட்டார்.
போர்ட்டிக்சன் OCPD Supt Aidi Sham Mohamed ஞாயிற்றுக்கிழமை (அக்டோபர் 24) அதிகாலை 2.40 மணிக்கு சிரம்பான் -போர்ட்டிக்சன் நெடுஞ்சாலையின் KM26 இல் இந்த சம்பவம் நடந்ததாகக் கூறினார்.
நான்கு சக்கர வாகனத்தில் சந்தேகநபர் தனியாக ஓட்டிச் சென்றபோது அவர் மற்ற இரண்டு கார்களில் மோதியதாக அவர் கூறினார். இரண்டு கார்களில் ஒன்றின் 31 வயதான ஓட்டுநருக்கு தொடையில் பலத்த காயம் ஏற்பட்ட சிகிச்சைக்காக போர்ட்டிக்சன் மருத்துவமனைக்கு அனுப்பப்பட்டார்.
மற்றொரு காரின் 24 வயது ஓட்டுநர் மற்றும் அவரது 23 மற்றும் 25 வயதுடைய இரண்டு நண்பர்கள் காயங்களிலிருந்து தப்பினர் என்று அவர் ஒரு அறிக்கையில் தெரிவித்தார். போர்ட்டிக்சன் செல்லும் பகுதியில் விபத்து நடந்ததாக ஐஃடி ஷாம் கூறினார். சந்தேக நபர், விளக்கமறியலில் வைக்க ஞாயிற்றுக்கிழமை காலை நீதவான் நீதிமன்றத்திற்கு அழைத்துச் செல்லப்படவுள்ளார்.
குடிபோதையில் வாகனம் ஓட்டியதற்காக சாலை போக்குவரத்து சட்டம் 1987 பிரிவு 44 (1A) கீழ் வழக்கு விசாரணை செய்யப்படுகிறது.
குற்றம் புரிந்தவர்களுக்கு ஏழு முதல் 10 ஆண்டுகள் வரை சிறைத் தண்டனை விதிக்கப்படலாம் மற்றும் RM50,000 வரை அபராதம் விதிக்கப்படலாம் மற்றும் குற்றம் நிரூபிக்கப்பட்டவுடன் ஏழு ஆண்டுகள் வாகனம் ஓட்ட தடை விதிக்கப்படும்.
பொறியாளர் அதே சட்டத்தின் பிரிவு 42 (1) இன் கீழ் ஆபத்தான வாகனம் ஓட்டியதற்காக விசாரிக்கப்படுவார் மற்றும் ஐந்து ஆண்டுகள் வரை சிறைத்தண்டனை விதிக்கப்படலாம். RM15,000 க்கு மிகாமல் அபராதம் விதிக்கப்படும் மற்றும் குற்றம் நிரூபிக்கப்பட்டால் ஐந்து ஆண்டுகளுக்கு வாகனம் ஓட்ட தடை விதிக்கப்படும்.
