ஜார்ஜ் டவுனில் வியாழக்கிழமை (நவம்பர் 12) நள்ளிரவு முதல் இடைவிடாமல் பெய்த மழையைத் தொடர்ந்து இங்குள்ள பல தாழ்வான பகுதிகள் வெள்ளத்தில் மூழ்கியுள்ளன.
பாதிக்கப்பட்ட பகுதிகளில் ஜாலான் பி.ராம்லீ, ஜாலான் பேராக், கம்போங் மஸ்ஜித், கம்போங் மக்காம் மற்றும் டத்தோ கெராமட்டில் உள்ள கம்போங் மஸ்ஜித் ஹாஷிம் யாஹ்யா ஆகியவை பாதிக்கப்பட்டுள்ளதாக மாநில நலன் மற்றும் சுற்றுச்சூழல் குழுத் தலைவர் பீ பூன் போ கூறினார்.
நகர மையத்தில் பல பகுதிகளில் வெள்ள நீர் பெருக்கெடுத்து ஓடியது என்று அவர் தொடர்பு கொண்டபோது கூறினார். மலேசியர்களிடையே பீதியை உருவாக்கி நகர மையத்தில் ஏற்பட்ட திடீர் வெள்ளத்தின் புகைப்படங்கள் மற்றும் வீடியோக்களால் சமூக ஊடகங்கள் பரபரப்பாக இருந்தன.
தற்போது நிலைமை கட்டுக்குள் உள்ளதாகவும், அனைத்து அரசு நிறுவனங்களும் எச்சரிக்கை செய்யப்பட்டுள்ளதாகவும் அவர் தெரிவித்தார். நிலைமை அவ்வப்போது கண்காணிக்கப்படும் என்றும், இதுவரை தற்காலிக நிவாரண மையம் எதுவும் திறக்கப்படவில்லை என்றும் அவர் கூறினார்.
உயர் அலை தற்போது குறைந்துள்ளது. ஆனால் வியாழன் (நவம்பர் 12) இரவு 10 மணிக்கு 1.2 மீட்டர் அளவில் மீண்டும் மிக அதிகமாக இருக்கும் என்று அவர் கூறினார்.
பாதிக்கப்பட்ட பகுதிகளுக்கு திணைக்களம் பணியாளர்களை அனுப்பியுள்ளதாகவும், இதுவரை நிலைமை சமாளிக்கக்கூடியதாக இருப்பதாகவும் சிவில் பாதுகாப்பு திணைக்கள பேச்சாளர் தெரிவித்தார்.
கம்போங் மஸ்ஜித் வெள்ள நிலைமை சற்று பாதிக்கப்பட்டுள்ளது. ஏனெனில் அருகிலுள்ள ஆற்றில் இருந்து பெருக்கெடுத்து ஓடுகிறது. நிலைமையை கண்காணிக்க எங்கள் பணியாளர்கள் அவ்விடத்தில் உள்ளனர் என்று அவர் கூறினார். கம்போங் மஸ்ஜித் உள்ள பம்ப் ஹவுஸும் நன்றாக இயங்கி வருவதாக பேச்சாளர் மேலும் கூறினார்.
