பெட்டாலிங் ஜெயா: சன்வே லகூன் தீம் பூங்காவிற்குள் அனுமதிக்கு பணம் செலுத்தாமல் நுழைந்ததற்காக யூடியூபரையும் மற்றொரு நபரையும் போலீசார் தேடி வருகின்றனர். சம்பவத்தை விவரித்த மூன்றாவது நபரையும் தேடி வருகின்றனர்.
சந்தேக நபர்கள் தீம் பார்க்கின் மைதானத்தில் கைபேசியை எறிந்துவிட்டு, தங்கள் சாதனத்தை விட்டுச் சென்றதாகக் கூறி அவர்களை உள்ளே அனுமதிக்குமாறு பாதுகாவலரை ஏமாற்றியதாக சுபாங் ஜெயா காவல்துறைத் தலைவர் அப்துல் காலித் ஓத்மான் கூறினார்.
சந்தேக நபர்கள் உள்ளே அனுமதிக்கப்பட்ட பின்னர் தலைமறைவானார்கள்.சந்தேக நபர்களில் ஒருவர் யூடியூபர் ஆவார், அவர் Ryann Key என்ற கணக்கினை காண்பிப்பதாக காலித் ஒரு அறிக்கையில் கூறினார்.
அத்தகைய YouTube கணக்கை எப்ஃஎம்டியால் கண்டுபிடிக்க முடியவில்லை. இருப்பினும், “ரியான் கீ” என்ற பெயரில் ஒரு கணக்கு உள்ளது.
அத்துமீறி நுழைந்தது மற்றும் நெட்வொர்க் வசதிகளை முறையற்ற முறையில் பயன்படுத்தியதற்காக போலீசார் வழக்குப்பதிவு செய்து விசாரணை நடத்தி வருகின்றனர் என்றார்.
இந்த விஷயம் தொடர்பான தகவல் தெரிந்தவர்கள் 03 56210343 என்ற எண்ணில் தொடர்பு கொள்ளுமாறு காலித் வலியுறுத்தினார்.
