சிபு, பிப்ரவரி 1 :
இன்று அதிகாலையில், தாமான் பெர்மாய் ஜெயாவில் இரண்டு சீனர்களின் வீடுகள் தீயில் எரிந்து நாசமானதால் இரண்டு குடும்பங்களின் சீனப் புத்தாண்டு கொண்டாட்டம், சோகத்தில் முடிந்தது.
நள்ளிரவு 1 மணியளவில் நடந்த சம்பவத்தில், அவர்களின் இரண்டு மாடி கொண்ட இரண்டு குடியிருப்பு அலகுகளும் பாதிக்கப்பட்டன.
சரவாக் தீயணைப்பு மற்றும் மீட்புத் துறையின் (JBPM) செயல்பாட்டு மையத்தின் (PGO) செய்தித் தொடர்பாளர் கூறுகையில், அதிகாலை 1.13 மணியளவில் எரிந்த வீடு ஒன்றின் கேரேஜில் ஒரு வாகனம் தீப்பிடித்தது தொடர்பில், தீயணைப்புப் படையினருக்கு முதலில் அழைப்பு வந்தது.
அழைப்பைப் பெற்றவுடன், சுங்கை மேரா தீயணைப்பு மற்றும் மீட்பு நிலையத்தின் (BBP) மற்றும் BBP சென்ட்ரல் சிபு ஆகிய இடத்திலிருந்து மொத்தம் 28 உறுப்பினர்கள் சம்பவ இடத்திற்கு விரைந்தனர்.
“நாங்கள் சம்பவ இடத்திற்கு வந்தவுடன், தீ இன்னும் எரிந்து கொண்டிருப்பதைக் கண்டறிந்ததாகவும், மேலும் தீ காரின் உரிமையாளரின் வீட்டிற்கும் பக்கத்திலிருந்து இரண்டு வீடுகளுக்கும் பரவியது.
“மேலும் தீ நான்காவது வீட்டிற்கும் பரவியது, ஆனால் வெற்றிகரமாக அது கட்டுப்படுத்தப்பட்டது, இத் தீவிபத்தில் வீட்டிற்கு ஐந்து சதவீத சேதம் மட்டுமே ஏற்பட்டது” என்று அவர் இன்று ஒரு அறிக்கையில் தெரிவித்தார்.
அவரது கூற்றுப்படி, மொட்டை மாடியில் உள்ள கேரேஜில் ஏற்பட்ட தீயை, தீ அணைக்கும் கருவியைப் பயன்படுத்தி அக்கம்பக்கத்தினர் முதலில் அணைக்க முயன்றனர், ஆனால் அவர்களின் முயற்சிகள் தோல்வியடைந்தன.
“பின்னர் தீ வேகமாக வீட்டை சூழ்ந்து கொண்டது, பின்னர் வலதுபுறத்தில் உள்ள ஒரு வீட்டிற்கு பரவியது, பின்னர் இடதுபுறத்தில் உள்ள மேலும் இரண்டு வீடுகளுக்கு பரவியது.
“மோசமாக சேதமடைந்த இரண்டு வீடுகளில் (சீன இனத்தவரது) ஒன்று 70 சதவிகிதம், மற்றொன்று 30 சதவிகிதமும், மலாய்க்காரர்கள் வசிக்கும் மற்ற இரண்டு வீடுகள் 10 சதவிகிதம் மற்றும் 5 சதவிகிதம் என்ற வகையில் சேதமடைந்துள்ளன” என்று அவர் கூறினார்.
அவர் கூறியபடி, சம்பந்தப்பட்ட நான்கு வீடுகளில் இருந்த 25 பேரும் அதிஷ்டவசமாக காயமின்றி தப்பினர்.
“வாகனத்திலிருந்து தீ விபத்து ஏற்பட்டு, வீடுகளுக்கு பரவியதற்கான காரணத்தை கண்டறிய மேலதிக விசாரணைகள் இன்னும் நடந்து வருகின்றன,” என்று அவர் கூறினார்.
