இஸ்கந்தர் புத்ரி: ஜோகூர் மாநில தேர்தலில் போட்டியிடும் கட்சிகள் அரசின் இலவச தடுப்பூசி திட்டத்தை பிரச்சாரப் பொருளாக பயன்படுத்தக் கூடாது என்று சுகாதார அமைச்சர் கைரி ஜமாலுதீன் இன்று தெரிவித்துள்ளார்.
நோய்த்தடுப்பு திட்டம் (PICK) மத்திய அரசின் தேசிய முயற்சியாகும். அதனால்தான் அதை பிரச்சாரப் பொருளாகப் பயன்படுத்த வேண்டிய அவசியமில்லை என்று நான் நினைக்கிறேன் என்று அவர் ஒரு செய்தியாளர் கூட்டத்தில் கூறினார்.
அரசாங்கத்தில் உள்ள அரசியல் கட்சிகள் தடுப்பூசி திட்டத்திற்காக “கிரெடிட்” கோரலாம் மற்றும் அதை தங்கள் அரசியல் லாபத்திற்காக பயன்படுத்த முடியும். ஆனால் அவ்வாறு செய்ய வேண்டிய அவசியமில்லை என்றார்.
மாநிலத் தேர்தலுக்கான பிரச்சாரப் பொருளாக “கோவிட்-19 தடுப்பூசி அனைவருக்கும் இலவசம்” என்று பெரிகாத்தான் நேஷனல் வைத்த விளம்பரப் பலகையில் கருத்துக் கேட்டபோது கைரி இவ்வாறு கூறினார்.
