கோத்த கினபாலு, சண்டகனில் உள்ள அடுக்குமாடி குடியிருப்பில் மகளின் காதலனால் 59 வயது இல்லத்தரசி கழுத்து அறுத்து கொலை செய்யப்பட்டார். பாதிக்கப்பட்ட பெண்ணும் அவரது 25 வயது மகளும் சனிக்கிழமை (மே 28) பிற்பகல் சண்டகன் தாமான் செந்தோசாவில் உள்ள அடுக்குமாடி குடியிருப்பில் தனது மகளுடனான உறவு தொடர்பாக 31 வயது சந்தேக நபரைச் சந்திக்கச் சென்றுள்ளனர்.
சந்திப்பின் போது வாக்குவாதம் ஏற்பட்டதாகவும், அந்த நபர் அந்த மாதுவை கத்தியால் குத்தியதாகவும் அவர் சம்பவ இடத்திலேயே உயிரிழந்ததாகவும் தகவல்கள் தெரிவிக்கின்றன. தகராறில் மகளின் கையில் காயம் ஏற்பட்டது.
சம்பவத்தின் பின்னர், சந்தேக நபர் சண்டகன் போலீஸ் நிலையத்தில் சரணடைந்தார், உடனடியாக கைது செய்யப்பட்டார். கொலைக்கான காரணத்தை போலீசார் இன்னும் ஆராய்ந்து வருகின்றனர். மேலும் பாதிக்கப்பட்டவரின் உடல் பிரேத பரிசோதனைக்காக கென்ட் டச்சஸ் மருத்துவமனைக்கு அனுப்பப்பட்டது மற்றும் சந்தேக நபருக்கு எதிராக விளக்கமறியலில் வைக்க உத்தரவு பெறப்பட்டுள்ளது. சண்டகன் மாவட்ட காவல்துறைத் தலைவர் அப்துல் ஃபுவாட் அப்துல் மாலேக் இந்த வழக்கை உறுதிப்படுத்தினார்.
