கோலாலம்பூர், மே 29 :
கோலாலம்பூர் நாடாளுமன்றத் தொகுதியில் “கோழி இறைச்சி விநியோகிஸ்தர்கள் மூலம் பெறப்படும் சராசரி விநியோகம் குறைந்தாலும், கோழி இறைச்சி விநியோகம் இன்னும் சீராகவே உள்ளது” என்று கோலாலம்பூரின் உள்நாட்டு வர்த்தக மற்றும் நுகர்வோர் விவகார அமைச்சகத்தின் (KPDNHEP) இயக்குநர் அரிஃபின் சம்சுடின் தெரிவித்துள்ளார்.
கோலாலம்பூரில் உள்ள பொதுச் சந்தைகள், பல்பொருள் அங்காடிகள் மற்றும் மளிகைக் கடைகளில் போதுமான அளவு கோழி இறைச்சி கிடைப்பதை உறுதி செய்ய, தனது துறை தொடர்ச்சியான ஆய்வுகளை அவ்வப்போது மேற்கொண்டது என்றார்.
அவரைப் பொறுத்தவரை,கோலாலம்பூரின் உள்நாட்டு வர்த்தக மற்றும் நுகர்வோர் விவகார அமைச்சகத்தின் மொத்தம் 90 அமலாக்க அதிகாரிகள் மற்றும் 83 விலைக் கண்காணிப்பு அதிகாரிகள் (PPH) எப்போதும் பெரிய மொத்த விற்பனையாளர்கள் மற்றும் விநியோகிஸ்தர்கள், பொதுச் சந்தைகள், பல்பொருள் அங்காடிகள் மற்றும் மளிகைக் கடைகளை உள்ளடக்கிய கண்காணிப்பு மற்றும் ஆய்வுகளை அவ்வப்போது மேற்கொள்கின்றனர்.
அமலாக்க அதிகாரி மற்றும் விலைக் கண்காணிப்பு அதிகாரியின் (PPH) அவ்வப்போது ஆய்வுகள் மூலம், பொருட்கள் இல்லாத பல்பொருள் அங்காடிகள் அல்லது சில்லறை விற்பனையாளர்கள் இருந்தால், KPDNHEP சப்ளைக்கான காரணங்கள் மற்றும் சிக்கல்களைக் கண்டறிந்து, உடனடியாக நடவடிக்கை எடுக்கும் என்றார்.
“கோலாலம்பூர் தொகுதி முழுவதும் மேற்கொள்ளப்பட்ட கண்காணிப்பின் முடிவுகளில், நேற்று மொத்த கோழி இறைச்சி வரத்து 37,819 கிலோகிராமாக இருந்தது. மேலும் சப்ளையர்கள் மூலம் பெறப்பட்ட சப்ளை குறைக்கப்பட்ட போதிலும் கோழி விநியோகம் இன்னும் நிலையானது மற்றும் முழுமையாக நிறுத்தப்படவில்லை” என்று அவர் கூறினார்.
முன்பை விட தற்போது விநியோக அளவு மேம்பட்டு வருவதாக அவர் இன்று கூறினார்.
