மாமன்னர் அல்-சுல்தான் அப்துல்லா ரியாதுதீன் அல்-முஸ்தபா பில்லா ஷா மற்றும் ராஜா பெர்மைசூரி அகோங் துங்கு ஹாஜா அஜிசா அமினா மைமுனா இஸ்கந்தரியா ஆகியோர் இன்று அதிகாலை சிலாங்கூர், பத்தாங்காலி நிலச்சரிவில் உயிரிழந்தவர்களின் குடும்பத்தினருக்கு இரங்கல் தெரிவித்துள்ளனர்.
இஸ்தானா நெகாராவின் அதிகாரப்பூர்வ முகநூல் பக்கத்தில் பதிவிட்ட பதிவில், அவர்களின் மாட்சிமைகளும் சோகம் குறித்து வருத்தத்தை வெளிப்படுத்தினர். மேலும் இதுபோன்ற சவாலான மற்றும் சோகமான தருணத்தை எதிர்கொள்வதில் குடும்பங்கள் பொறுமையாகவும் உறுதியாகவும் இருப்பார்கள் என்று நம்புகிறோம்.
உயிரிந்தவர்களின் ஆன்மாக்கள் சாந்தியடைய பிராத்திப்போம் என்று அப்பதிவில் கூறியிருந்தனர் தேடுதல் மற்றும் மீட்பு நடவடிக்கைகளில் ஈடுபட்டுள்ள துறைகள் மற்றும் நிறுவனங்களின் உறுப்பினர்களுக்கு ராஜாவும் ராணியும் மிக உயர்ந்த நன்றியையும் பாராட்டுகளையும் தெரிவித்ததுடன், செயல்பாடுகள் சீராகவும் பாதுகாப்பாகவும் நடக்கும் என்று நம்பினர்.
மீட்புக் குழுவிற்கு எல்லாவற்றையும் எளிதாக்க வேண்டும் என்றும், இன்னும் சிக்கியுள்ள பாதிக்கப்பட்டவர்கள் விரைவில் மீட்கப்பட வேண்டும் என்றும் அவர்களின் மாட்சிமைகள் பிரார்த்தனை செய்கின்றன என்று அது கூறியது.
மாலை 5 மணி நிலவரப்படி, இறந்தவர்களின் எண்ணிக்கை 18 பேரை எட்டியுள்ளது. மேலும் 15 பேரைக் காணவில்லை.
