கோலக் குபு பாரு:
கடந்த ஆண்டு டிசம்பரில் இங்குள்ள புக்கிட் பெருந்துங்கில் உள்ள மனநலப் பாதுகாப்பு மையத்தில் இருந்த ஆடவர் ஒருவரைக் கொலை செய்ததாக, வங்காளதேச சமையல்காரர் மீது இன்று மாவட்ட நீதிமன்றத்தில் குற்றம் சாட்டப்பட்டது.
குற்றஞ்சாட்டப்பட்ட முகமட் அப்துல் அலிம், 33, என்பவர், கடந்தண்டு டிச. 24 அன்று, மாலை சுமார் 6.30 மணியளவில், புக்கிட் பெருந்தோங், ஜாலான் செம்பகா 2, மனநலப் பாதுகாப்பு மையத்தில், லியோங் காம் மிங், 52, என்பவரைக் கொன்றதாகக் குற்றம் சாட்டப்பட்டது.
இது குற்றம் நிரூபிக்கப்பட்டால் மரண தண்டனையை வழங்கும் தண்டனைச் சட்டத்தின் 302வது பிரிவின் கீழ் குற்றச்சாட்டு பதிவு செய்யப்பட்டது.
நீதிபதி சித்தி பாத்திமா தாலிப் முன்நிலையில், அவருக்கு எதிரான குற்றச்சாட்டுகள் வாசிக்கப்பட்ட பிறகு, குற்றஞ்சாட்டப்பட்டவர் அதைப் புரிந்துகொண்டு தலையசைத்தார், ஆனாலும் கொலை வழக்குகள் உயர் நீதிமன்றத்தின் அதிகார வரம்பின்கீழ் இருப்பதால், அவரிடமிருந்து எந்த வாக்குமூலமும் பதிவு செய்யப்படவில்லை.
மேலும், குற்றம் சாட்டப்பட்டவர் டிசம்பர் 27, 2022 அன்று அதிகாலை 2.23 மணியளவில், அதே இடத்தில் செல்லுபடியாகும் பயண ஆவணங்கள் ஏதுமின்றி நாட்டிற்குள் நுழைந்து, நாட்டிற்குள் தங்கியிருந்ததாகவும் குற்றஞ்சாட்டப்பட்டது.
இது குடிவரவுச் சட்டம் 1959/63 திருத்தம் 2002 இன் பிரிவு 6(1)(C) இன் படி இந்தக் குற்றச்சாட்டு பதிவு செய்யப்பட்டுள்ளது, மேலும் குற்றம் நிரூபிக்கப்பட்டால், RM10,000க்கு மிகாமல் அபராதம் விதிக்கும் அதே சட்டத்தின் 6(3) பிரிவின் கீழ் தண்டிக்கப்படலாம். அல்லது அதிகபட்சமாக ஐந்து ஆண்டுகள் சிறைத்தண்டனை, அல்லது இரண்டும், மற்றும் ஆறு முறைக்கு மேல் சாட்டையால் அடிக்கப்படலாம்.
இவ்வழக்கில் குற்றம் சாட்டப்பட்டவருக்கு ஜாமீன் வழங்கப்படவில்லை, மேலும் வழக்கை மீண்டும் குறிப்பிடுவதற்கு பிப்ரவரி 27 ஆம் தேதியை நீதிமன்றம் நிர்ணயித்தது.
