இந்தோனேசியாவுக்கான மலேசியத் தூதரை பிரதமர் டத்தோஸ்ரீ அன்வார் இப்ராஹிம் விரைவில் அறிவிப்பார் என்று டத்தோஸ்ரீ ஜாம்ப்ரி அப்துல் காதிர் கூறுகிறார். வேட்பாளர் ஒருவர் தெரிவு செய்யப்பட்டுள்ளதாகவும், நியமன நடைமுறைகள் இறுதி செய்யப்பட்டு வருவதாகவும் வெளிவிவகார அமைச்சர் தெரிவித்தார்.
பிரதமர் விரைவில் வேட்பாளரை அறிவிப்பார் என்று ஜாம்ப்ரி சனிக்கிழமை (ஜனவரி 7) கோலாலம்பூர் அனைத்துலக விமான நிலையத்தில் பிரதமரின் முதல் அதிகாரப்பூர்வ இந்தோனேசியா பயணத்திற்கு முன் இதனை கூறினார்.
நியமனம் வழங்கும் விழா மலேசியாவில் நடைபெறும் என்றார். 10ஆவது மலேசியப் பிரதமராக அன்வார் ஞாயிற்றுக்கிழமை (ஜனவரி 8) இந்தோனேசியாவுக்கு தனது முதல் அதிகாரப்பூர்வ பயணத்தை மேற்கொள்கிறார்.
அன்வார் தனது இரண்டு நாள் பயணத்தின் போது, ஜனவரி 9ஆம் தேதி இஸ்தானா போகோரில் இந்தோனேசிய அதிபர் ஜோகோ விடோடோவை சந்திக்கிறார். அவருடன் ஜம்ரி மற்றும் அனைத்துலக வர்த்தகம் மற்றும் தொழில்துறை அமைச்சர் தெங்கு டத்தோஸ்ரீ ஜஃப்ருல் அப்துல் அஜீஸ் ஆகியோரும் வருவார்கள்.
ஒரு நிறுத்த மருத்துவ மற்றும் ஆரோக்கிய மையம் பூச்சோங்கில் அதன் கதவுகளைத் திறக்கிறது இந்த விஜயம் முதன்மையாக எல்லை நிர்ணயம், வர்த்தக ஒத்துழைப்பு, புலம்பெயர்ந்த தொழிலாளர்கள் மற்றும் பாமாயில் பாகுபாடு போன்றவற்றின் மீது கவனம் செலுத்தும்.
