லஹாட் டத்து அம்னோ பிரிவின் பிரதிநிதிகள் கூட்டத்தின் போது ஆத்திரமூட்டலின் விளைவாகக் கருதப்படும் சண்டை மூண்டதில் இருவர் காயமடைந்தனர். காயமடைந்தவர்களில் ஒருவர் சபா அம்னோ இணைப்புக் குழு அலுவலகத்தில் பணிபுரிபவர், மற்றொருவர் லஹாட் டத்து அம்னோ இளைஞர் குழு உறுப்பினர் என போலீசார் தெரிவித்தனர்.
லஹாட் டத்து அம்னோ உறுப்பினர்களான 33 மற்றும் 38 வயதுடைய இரண்டு ஆண் சந்தேக நபர்கள் இருப்பதாக லஹாட் டத்து காவல்துறைத் தலைவர் ரோஹன் ஷா அகமது தெரிவித்தார்.
இந்த வழக்கு இன்னும் விசாரணையில் இருப்பதால், சம்பவத்தின் வீடியோ மற்றும் புகைப்படங்களை பரப்புவதை நிறுத்துமாறு பொதுமக்களை அவர் வலியுறுத்தினார். இரண்டு சந்தேக நபர்களும் போலீசாரிடம் வாக்குமூலம் அளித்துள்ளதாக ரோஹன் ஷா கூறினார்.
