குளுவாங்கில் வெப்ப பக்கவாத அறிகுறிகள் இருப்பதாக சந்தேகிக்கப்படும் 12 வயது சிறுவன் ஒருவன் சிகிச்சை பலனின்றி இன்று உயிரிழந்தான்.
இன்று காலை 7 மணியளவில் என்சே பெசார் ஹஜ்ஜா கல்சோம் மருத்துவமனையில் (HEBHK) Airiel Syahren Syahrol என்ற சிறுவன் வெப்ப பக்கவாதம் காரணமாக இறந்துவிட்டதாக மருத்துவர்களால் உறுதி செய்யப்பட்டது.
அவரது தந்தை, சியாஹ்ரோல் அஸ்மி முகமட் ஹெகாக், 42, கூறுகையில் உயிரிழந்தவர் நான்கு உடன்பிறப்புகளில் இரண்டாவது நபர் என்றும், அவருக்கு கடந்த ஞாயிற்றுக்கிழமை இரவு சுமார் 10 மணியளவில் வியர்வை, தசைப்பிடிப்பு, வாந்தி, சிறுநீர் கழித்தல் பிரச்சனை, காய்ச்சல் போன்ற அறிகுறிகள் இருந்ததாக கூறினார்.
முதலில் Airiel Syahren உட்பட அவரது ஒன்பது வயது இளைய சகோதரர் மற்றும் அவர்களது தாயார் ஆகியோருக்கு பொதுவான காய்ச்சல் இருந்தது.
“சம்பவம் நடந்த அன்று இரவு ஏதோ விழும் சத்தம் கேட்டது, அப்போது மகன் அறையில் வலிப்பு வந்து துன்பப்படுவதைக் கண்டேன்,” என்று அவர் கூறினார். அதன் பின் உடனடியாக 999ஐ அவர் அழைத்ததாகவும், பின்னர் அம்புலன்ஸ் மூலமாக என்சே பெசார் ஹஜ்ஜா கல்சோம் மருத்துவமனையில் அனுமதித்தனர் என்றார்.
பின்னர் காலை 7 மணியளவில், HEBHK ஊழியர்களிடமிருந்து தனது மகனுக்கு ஒருதடவை மட்டும் பயன்படுத்தும் டயப்பர்களை வாங்க அழைப்பு வந்ததாகவும், பின்னர் விரைவில் வார்டுக்கு வரும்படி இரண்டாவது அழைப்பு வந்ததாகவும் அவர் கூறினார்.
“இரண்டு மருத்துவர்கள் என்னை தங்கள் அறைக்கு அழைத்து, என் மகனுக்கு சிறுநீரக பாதிப்பை ஏற்படுத்திய வெப்ப பக்கவாதத்தின் அறிகுறிகள் இருப்பதாகவும், மூளை வீக்கத்திற்கு கூடுதலாக மார்பு எக்ஸ்ரே வெண்மையாக இருப்பதாகவும் விளக்கினர்,” என்று அவர் கூறினார்.
“உங்கள் குழந்தைகளுக்கு காய்ச்சல் வந்தால் அதை சாதாரணமாக எடுத்துக் கொள்ளாதீர்கள், பணம் இருக்கிறதா இல்லையா என்று யோசிக்காதீர்கள், உடனடியாக அவர்களை மருத்துவமனையில் சிகிச்சைக்கு அனுப்புங்கள்” என்றார்.
