மே 26 மற்றும் 31 தேதிகளில் போர்ட் கிள்ளான் துறைமுகத்தில் RM1,170,595 மதிப்பிலான மதுபானங்களைக் கடத்தல் முயற்சிகளை சுங்கத்துறையினர் முறியடித்துள்ளனர்.
மே 26 அன்று இரவு 8 மணியளவில் போர்ட் கிள்ளான் வடக்கு துறைமுகத்திற்குள் நுழைந்த ஒரு 40 அடி கொள்கலனை தடுத்து வைத்தது. அதனை ஆய்வு செய்ததில், 26,160 லிட்டர் ‘Spark Beer Extra Strong’ கண்டுபிடிக்கப்பட்டது, இதன் மொத்த மதிப்பு RM793,030 எனவும் மதிப்பிடப்பட்ட வரி RM111,120 என்றும் மதிப்பிடப்பட்டுள்ளது.
சரக்கு இறக்குமதிக்கான ஒப்புதல் தொடர்பான ஆவணங்களை கப்பல் பிரதிநிதி சமர்ப்பிக்கத் தவறியதாகக் கூறப்படுகிறது.
“சுங்கத் துறையிடம் இருந்து மறைப்பதற்காக கண்டெய்னர் லோடின் பின்புறத்தில் மதுபானம் மறைத்து வைக்கப்பட்டு, முன்பக்கத்தில் பாலிஃபோம் பெட்டிகளில் வைக்கப்பட்டிருந்தது” என்று அவர் இன்று கூறினார்.
இரண்டாவது வழக்கில், மே 31 அன்று மாலை RM93,940 மதிப்புள்ள 12,616.20 லிட்டர் ‘Tsingtao and Demailong’ வகை மதுபானம்ஆகியவற்றைக் கடத்தும் முயற்சியையும் சுங்கத்துறையினர் முறியடித்ததாக வோங் கூறினார்.
“விளையாட்டுப் பொருட்களுக்குப் பின்னால் மதுபானங்களை மறைத்து, வரி செலுத்தாதது நாட்டுக்குள் கடத்துவதே” இந்தக் கடத்தல் கும்பல்களின் நோக்கம் என்று அவர் மேலும் கூறினார்.
சுங்கச் சட்டம் 1967 இன் பிரிவு 135(1)(d) இன் கீழ் மேல் நடவடிக்கைக்காக சம்பந்தப்பட்ட நிறுவனம் அல்லது இறக்குமதி முகவரைக் கண்டறிய இரண்டு வழக்குகளுக்கான விசாரணை இன்னும் நடந்து வருவதாக வோங் கூறினார்.
