ஜோகூர் பாரு: பக்காத்தான் ஹராப்பான் வேட்பாளர்களுக்கான வாக்குகளை ஹராம் (இஸ்லாமிய தடை) என்று அறிவிக்கும் அளவுக்கு எதிர்க்கட்சிகள் அதீத பிரச்சாரம் செய்வதாக பிரதமர் டத்தோஸ்ரீ அன்வார் இப்ராஹிம் விமர்சித்தார். இவ்வாறான செயற்பாடுகள் மிகையானது மட்டுமன்றி நிறுத்தப்பட வேண்டும் எனவும் பிரதமர் குறிப்பிட்டுள்ளார்.
எங்களை (PH) தடுத்து சுஹாய்ஸான் (கயாட்) வெற்றி பெறவிடாமல் தடுப்பதில் மும்முரமாக இருப்பவர்களிடம் நான் கேட்க விரும்புகிறேன், அரசாங்கத்தின் மூன்றில் இரண்டு பங்கைத் தடுக்க முயற்சிப்பது என்ன? இது ஒரு பிரச்சனை. முன்பு சொன்னது போல், யாரோ ஒருவரின் வாக்குக்கு ஹராம் என்று, இது என்ன, நீங்கள் யார்? இது எங்கள் சக நாட்டவர்; இந்த முட்டாள்தனத்திற்கு நாம் நிறுத்த வேண்டும். இனி இது நடக்க கூடாது என்று நேற்றிரவு Taman Uda Utama இல் Ceramah Mega Perpaduan Madani (Madani Mega Unity Talk) இல் பேசும் போதே அவர் இதனைத் தெரிவித்தார்.
இந்நிகழ்ச்சியில் பார்ட்டி அமானா நெகாரா (AMANAH) தலைவர் டத்தோஸ்ரீ முகமட் சாபு கலந்து முதலமைச்சர், டத்தோ ஒன் ஹாபிஸ் காஜி மற்றும் பூலாய் நாடாளுமன்றத் தொகுதிக்கான PH வேட்பாளர் சுஹாய்ஸான் கயாட் ஆகியோர் கலந்து கொண்டனர்.
நேற்றைய தினம், பெரிக்காத்தான் நேஷனல் தலைவர் டான்ஸ்ரீ முஹிடின் யாசின், எதிர்வரும் பூலாய் நாடாளுமன்ற இடைத்தேர்தலில் PH வேட்பாளர் சுஹாய்ஸான் கயாட்டிற்கு வாக்களிப்பதை ஹராம் என அறிவித்துள்ளதாக தெரிவிக்கப்பட்டுள்ளது. இக்கட்டான காலங்களில் ஒற்றுமை அரசாங்கம் மக்களுக்கு உதவாததால், பூலாய் நாடாளுமன்றத் தொகுதியில் உள்ள வாக்காளர்களின் எதிர்ப்பையும் கோபத்தையும் காட்ட சுஹாய்ஸான் கயாட்டிற்கு வாக்களிக்க கூடாது என்று முஹிடின் கூறினார்.
முன்னாள் சபாநாயகர் (ஜோகூர் மாநில சட்டசபை) சுஹாய்ஸான் கயாட்டிற்கு (புலாய் நாடாளுமன்றத் தொகுதியில் PH வேட்பாளர்) ஒரு வாக்கு கூட போட கூடாது. நான் ஹராம் என்று அறிவிக்கிறேன். சிலர் இதைப் பற்றி நாளை என்னிடம் சவால் விடலாம் மற்றும் நான் எந்த மத ஆணையைப் பின்பற்றுகிறேன் என்று கேட்கலாம். இருப்பினும், விலைவாசி உயர்வு போன்ற ஒன்பது மாதங்களாகத் தொடரும் தற்போதைய சூழ்நிலையால் நீங்கள் வாக்களிக்க கூடாது என்று கூறினார்.
