ஜோகூர்பாரு:
ஆகஸ்ட் 30 அன்று இங்குள்ள தாமான் புக்கிட் மேவாவில் வேலையில்லா நபர் ஒருவர் சிறுமியை பாலியல் பலாத்காரம் செய்ததாக இரண்டு குற்றச்சாட்டுகளை செவ்வாய்கிழமை செஷன்ஸ் நீதிமன்றத்தில் ஒப்புக்கொண்டார்.
5 பிள்ளைகளுக்குத் தந்தையான குற்றம் சாட்டப்பட்ட ஆர். கெங்காதரன் (வயது 41,) வாக்குமூலம் அளித்து, நீதிபதி சித்தி நோரைடா சுலைமான் முன் குற்றச்சாட்டுகள் வாசிக்கப்பட்ட பின்னர் விசாரணைக்கு ஒப்புக்கொண்டார்.
முதல் குற்றச்சாட்டின்படி, அவர் ஒன்பது வயது எட்டு மாத சிறுமியை உடல் ரீதியாக பாலியல் வன்கொடுமை செய்ததாகக் கூறப்படுகிறது.
04-12, பிளாக் 4, ஜாலான் மெகா ரியா 2/2 தாமான் புக்கிட் மேவா, தம்போய் என்ற முகவரியில் உள்ள வீட்டில் கடந்த ஆகஸ்ட் 30ஆம் தேதி மாலை 6.30 மணியளவில் இந்தச் செயல் புரிந்ததாக கூறப்படுகிறது.
அந்தக் குற்றத்திற்காக, குழந்தைகள் மீதான பாலியல் குற்றங்கள் 2017 (சட்டம் 792) பிரிவு 14(b) இன் கீழ் குற்றம் சாட்டப்பட்டவர் தண்டிக்கப்படலாம்.
குற்றம் நிரூபிக்கப்பட்டால், இந்த குற்றங்கள் ஒவ்வொன்றுக்கும் 20 ஆண்டுகள் வரை சிறைத்தண்டனை விதிக்கப்படலாம் மற்றும் பிரம்படியும் வழங்கப் படலாம் .
துணை வழக்குரைஞர் நூர் ஃபாரா வாஹிடா ஃபராவாஹிடா ஷாஹுடின், வழக்கு முடியும் வரை சாட்சிகளுக்கும் பாதிக்கப்பட்டவர்களுக்கும் இடையூறு விளைவிப்பதைத் தடைசெய்து, மாதத்திற்கு ஒருமுறை அருகிலுள்ள காவல்துறைக்குச் சென்று ஆஜராக வேண்டும் மற்றும் அனைத்துலக கடப்பிதழை நீதிமன்றத்தில் ஒப்படைக்க உத்தரவு பிறப்பிக்கப்பட்டுள்ளது .
நீதிபதி 20,000 ஜாமீன் வழங்க முன்மொழிந்தார். குற்றஞ் சாட்டப்பட்டவருக்கு வழக்கறிஞர் ஆஜராகவில்லை.
குற்றம்சாட்டப்பட்டவர் குறைந்த ஜாமீன் வழங்க அனுமதிக்குமாறு நீதிமன்றத்தில் கோரினர்.
தம் மனைவி ஒருவர்தான் வேலை செய்வதாகவும் தாம் குழந்தைகளைப் பராமரிக்க வேலை செய்யவில்லை என்றார். தமக்கு ஐந்து குழந்தைகள் உள்ளனர் என்று பாதிக்கப்பட்டவரின் தாயின் நண்பரான அவர் கூறினார்.
அரசு தரப்பு முன்மொழிந்த மூன்று நிபந்தனைகளுடன் 12,000 ரிங்கிட் ஜாமீன் வழங்க நீதிமன்றம் அனுமதித்தது.
வழக்கு நவம்பர் 9 ம் தேதிக்கு ஒத்திவைக்கப்பட்டது.
