கோத்தா பாரு:
நேற்று (டிசம்பர் 20) இங்குள்ள ஜாலான் கோலக்கிராய்-துன்ஜோங்கில் தாய்லாந்து நாட்டைச் சேர்ந்த ஒருவரை போலீசார் கைது செய்துள்ளதுடன், அவரிடமிருந்து RM651,475 மதிப்புள்ள 11.8 கிலோகிராம் யாபா மாத்திரைகளை பறிமுதல் செய்துள்ளனர்.
கிளந்தான் போலீஸ் தலைமையகத்தின் போதைப்பொருள் குற்றப்புலனாய்வுத் துறைக் குழுவினால், இரவு 11.45 மணியளவில் மேற்கொள்ளப்பட்ட இந்த நடவடிக்கையில் குறித்த நபர் கைது செய்யப்பட்டதாக கிளந்தான் காவல்துறைத் தலைவர் டத்தோ முஹமட் ஜாக்கி ஹருன் தெரிவித்தார்.
36 வயதுடைய சந்தேக நபரும் மற்றுமொரு நபரும் சம்பவ இடத்திலுள்ள கால்நடை மருத்துவமனைக்கு முன்பாக திறந்த பகுதியில் நிறுத்தப்பட்டிருந்த காரில் காணப்பட்டதாக அவர் கூறினார்.
“சந்தேக நபர் முன் பக்கமுள்ள பயணிகள் இருக்கையில் இருந்து, ஒரு கருப்பு பையை எடுத்துக்கொண்டு வெளியே வந்தார்.
“எங்கள் குழு உடனடியாக அவர்களின் காரை அணுகி தடுப்பு அமைத்தது. இருப்பினும், கார் ஓட்டுநர் போலீஸ் ரோந்துக் குழுவின் வாகனத்தின் மீது காரை மோதிவிட்டு, ஜாலான் கோலக்கிராய் -துன்ஜோங் நோக்கி வேகமாகச் சென்றார்,” என்று அவர் இன்று வியாழக்கிழமை (டிசம்பர் 21) தலைமையகத்தில் நடந்த செய்தியாளர் கூட்டத்தில் கூறினார்.
சந்தேக நபர் கொண்டு சென்ற பையை போலீசார் சோதனை செய்ததில் 11.8 கிலோ எடையுள்ள 100,000 யாபா மாத்திரைகள் கண்டுபிடிக்கப்பட்டதாக முஹமட் ஜாக்கி கூறினார்.
முதற்கட்ட விசாரணையில் சந்தேக நபர் வேலையில்லாதவர் என்றும் அவருக்கு முந்தைய குற்றப் பதிவு இல்லை என்றும் அவர் கூறினார்.
“அவர் போதைப்பொருளுக்கு சாதகமான பதிலைப் பெற்றார் மற்றும் ஆபத்தான மருந்துகள் சட்டம் 1952 இன் பிரிவு 39B இன் கீழ் விசாரணைக்கு உதவுவதற்காக டிசம்பர் 27 வரை ஏழு நாட்கள் காவலில் வைக்கப்பட்டுள்ளார்,” என்று அவர் மேலும் கூறினார்.
