லண்டனில் உள்ள மருத்துவமனையில் ஆபத்தான நிலையில் உள்ள பொழுதுபோக்கு ஊடகவியலாளர் சித்தி நோர் ஹபிசா கமருதீனுக்கு காசி @ ஹவானா நிதியிலிருந்து உடனடி உதவியை வழங்குமாறு மலேசிய தேசிய செய்தி நிறுவனத்திடம் (பெர்னாமா) தகவல் தொடர்பு அமைச்சர் ஃபஹ்மி ஃபட்சில் கோரிக்கை விடுத்துள்ளார். ஃபஹ்மி, முகநூலின் ஒரு பதிவில், இந்த உதவியை அவரது கணவர் மற்றும் குழந்தைகளுக்கும் நீட்டிக்க வேண்டும் என்று கூறினார்.
தற்போது லண்டனில் உள்ள மருத்துவமனையில் ஆபத்தான நிலையில் இருக்கும் ஹபிசாவைச் சுற்றியுள்ள நிகழ்வுகளை நான் உன்னிப்பாக கவனித்து வருகிறேன். தொடர்பு அமைச்சகத்தின் சார்பாக, அவர் குணமடையவும், எல்லா விஷயங்களும் எளிதாக்கப்படவும் நாங்கள் பிரார்த்தனை செய்கிறோம் என்று அவர் கூறினார். 40 வயதான சித்தி நோர் ஹபிசா விடுமுறை முடிந்து மலேசியா செல்லும் வழியில் நேற்று ஹீத்ரோ விமான நிலையத்தில் சுயநினைவை இழந்ததாகக் கூறப்படும் நிலையில், லண்டனில் உள்ள Charing Cross மருத்துவமனையில் சிகிச்சை பெற்று வருகிறார்.
KRU மீடியாவிற்குச் சொந்தமான பூம் மலேசியா மற்றும் ஜர்னல் மலேசியா என்ற இணையதளங்களுடன் தொடர்புடைய பத்திரிகையாளர், தனது குடும்பத்துடன் லண்டனுக்கு ஒரு அன்பளிப்பு பயணப் பொதியைப் பெறத் தேர்ந்தெடுக்கப்பட்டார். மேலும் இந்த மாதத்தின் நடுப்பகுதியில் தனது கணவர் மற்றும் அவர்களது இரண்டு குழந்தைகளுடன் புறப்பட்டார்.
