ஈப்போ:
பீடோர் தற்காலிக குடி நுழைவுக் தடுப்பு மையத்தில் இருந்து தப்பியோடிய மொத்தம் 131 கைதிகளில் இதுவரை மொத்தம் 41 கைதிகள் மீண்டும் கைது செய்யப்பட்டுள்ளனர்.
நேற்று (பிப்ரவரி 3) இரவு 8.40 மணியளவில் கோலா வோவுக்கு அருகிலுள்ள கம்போங் அம்பாங்கில் இரண்டு ரோஹிங்கியா ஆண்கள் பிடிபட்டதாக தாப்பா காவல்துறை துணைத் தலைவர் முகமட் நைம் அஸ்னாவி தெரிவித்தார்.
“எங்கள் நடமாடும் ரோந்துக் குழு பொதுமக்களிடம் இருந்து தகவலைப் பெற்ற பிறகு விரைவாகச் செயல்பட்டது.
பிப்ரவரி 1 அன்று, 115 ரோஹிங்கியாக்கள், 15 மியன்மார் நாட்டு பிரஜைகள் மற்றும் ஒரு வங்காளதேசத்தை உள்ளடக்கிய மொத்தம் 131 ஆவணமற்ற புலம்பெயர்ந்தோர், தற்காலிக தடுப்புக் கிடங்கில் நடந்த கலவரத்தின் போது தடுப்பு மையத்திலிருந்து தப்பினர்.
எவ்வாறாயினும், வடக்கு-தெற்கு அதிவேக நெடுஞ்சாலையின் KM335 இல் ஒரு கைதி சாலை விபத்தில் இறந்தார் என முன்னர் ஊடகங்கள் செய்தி வெளியிட்டன.
