கோத்தா மருடு:
ஜாலான் மராக் பாராக்கில் தொலைத்தொடர்பு நிறுவனத்திற்கு ஆப்டிகல் ஃபைபர் கேபிள்கள் பொருத்தும் பணியின் போது, மின்சாரம் தாக்கி இரண்டு ஒப்பந்த தொழிலாளர்கள் நேற்று இறந்ததாக நம்பப்படுகிறது.
பாதிக்கப்பட்டவர்கள் இருவரும் உள்ளூர்காரர்கள் என்றும், அவர்கள் Abi’rafhdi Affendy, 20, மற்றும் Khomeni Maulana, 32, எனவும் அடையாளம் காணப்பட்டனர்.
அதிக அளவு மின்சாரம் தாக்கியதால் சம்பவ இடத்திலேயே அவர்கள் உயிரிழந்தது உறுதிச் செய்யப்பட்டது.
பாதிக்கப்பட்டவர்கள் இருவரும் மொத்தம் எட்டு ஒப்பந்தத் தொழிலாளர்களுடன் காலை 7.30 மணியளவில் தொலைத்தொடர்பு நிறுவனத்திற்கு ஆப்டிகல் ஃபைபர் கேபிள்களை நிறுவுவதற்கு சென்றதாகவும், அவர்கள் மின்கம்பத்தை உயர்த்தியபோது, சம்பவ இடத்தில் உயர்த்தப்பட்டிருந்த மின்கம்பத்தின் அருகே மின்சார கேபிள் ஒன்று அறுந்து கிடந்தது என்றும் விசாரணையில் கண்டறியப்பட்டதாக கோத்தா மருடு மாவட்ட காவல்துறைத் தலைவர், கண்காணிப்பாளர் ஜைரோல்நிசல் இஷாக் கூறினார்.
“உயர்ந்த கம்பம் மின்சாரம் பாய்ந்து கொண்டிருந்த மின்சார கேபிளில் மோதியது, இதனால் சில தொழிலாளர்கள் கம்பத்தை கைவிட்டனர், அவர்களின் கைகளில் தீக்காயங்கள் ஏற்பட்டன,” என்று அவர் இன்று தொடர்பு கொண்டபோது கூறினார்.
எவ்வாறாயினும், மற்ற இரண்டு தொழிலாளர்கள் அதிக மின்சாரம் தாக்கியதால் சம்பவ இடத்திலேயே இறந்தனர் என்று அவர் கூறினார்.
“இச்சம்பவத்தில் குற்றவியலுடன் தொடர்புடைய எந்த ஆதாரங்களும் இல்லை, அதே நேரத்தில் பிரேத பரிசோதனை முடிவுகளின் அடிப்படையில் மின்சாரத்தினால் இருவருக்கும் காயங்கள் மற்றும் அதிர்ச்சிகள் ஏற்பட்டுள்ளன என்பதை உறுதிப்படுத்துகின்றன என்று அவர் கூறினார்.
