நெகிரி செம்பிலான், கோலபிலா சாலையோரம் நேற்றிரவு மயங்கி கிடந்த தாதி (செவிலியர்) குறித்து போலீசார் விசாரணை நடத்தி வருகின்றனர். ஜாலான் சிம்பாங் தீகா டாங்கி, ஜோஹோல் என்ற இடத்தில் கண்டுபிடிக்கப்பட்டபோது அவர் தலையில் காயமடைந்ததாக நம்பப்படுகிறது. கோல பிலா துணை போலீஸ் தலைவர் சியாஹ்ருல் அனுவார் அப்துல் வஹாப் கூறுகையில் பாதிக்கப்பட்ட பெண்ணின் 30 வயதுடையவரின் காலணிகள் காரின் அருகே இருந்ததாகவும் அந்த நேரத்திக்ல் இயங்கிக் கொண்டிருந்த அவரது காருக்கு வெளியே காணப்பட்டது என்று ஹரியான் மெட்ரோ தெரிவித்துள்ளது.
பொதுமக்கள் அவளை மயக்கமடைந்ததைக் கண்டுபிடித்து, அவரிடம் இருந்து திருடப்பட்டதாக நம்பினர். பாதிக்கப்பட்டவர் மேலதிக சிகிச்சைக்காக துவாங்கு அம்புவான் நஜிஹா மருத்துவமனைக்கு அழைத்து செல்லப்பட்டார் என்று அவர் கூறினார். பாதிக்கப்பட்டவர் மருத்துவமனையில் வேலை முடிந்து வீட்டிற்குச் சென்று கொண்டிருந்ததாகவும் நம்பப்படுகிறது. நாங்கள் இன்னும் அவரிடமிருந்து வாக்குமூலம் பெறுவதற்கான செயல்பாட்டில் இருக்கிறோம்.
எங்களது ஆரம்ப விசாரணையின் அடிப்படையில், அவரிடம் இருந்து எந்த பொருட்களும் திருடப்படவில்லை. ஆனால் தலையில் மட்டுமே தாக்கப்பட்ட காயம் இருந்தது. அவருடைய தனிப்பட்ட உடமைகள் அனைத்தும் இருந்ததாகவும் அவர் தெரிவித்தார். ஆபத்தான ஆயுதம் அல்லது வழிமுறைகளால் தானாக முன்வந்து காயப்படுத்தியதற்காக குற்றவியல் சட்டத்தின் பிரிவு 324 இன் கீழ் வழக்கு விசாரிக்கப்பட்டு வருகிறது என்றும் அவர் கூறினார்.