இலங்கை டி20 தொடருக்கான இந்திய அணிக்கு ஹர்திக் பாண்டியாதான் கேப்டனாக இருப்பார் எனக் கூறப்பட்ட நிலையில், திடீரென்று ஹர்திக்கை கேப்டன் பதவியில் இருந்து, ஓரேயடியாக நீக்கிவிட்டதாக தகவல் வெளியாகி உள்ளது.டி20 உலகக் கோப்பை 2024 தொடர் முடிந்த உடனே, இந்திய டி20 அணியில் இருந்து ரோஹித் சர்மா ஓய்வு அறிவித்துவிட்டார்.
அடுத்த கேப்டன்?
இதனைத் தொடர்ந்து, அடுத்த டி20 கேப்டன் யார் என்ற எதிர்பார்ப்பு ஏற்பட்டுள்ளது.ரோஹித் சர்மாவுக்கு அடுத்து, இந்திய டி20 கேப்டன் யார் என்ற கேள்வி எழுந்தது. ஹர்திக் பாண்டியா, ஷுப்மன் கில், ஜஸ்பரீத் பும்ரா போன்றவர்கள், இந்த கேப்டன்ஸி ரேசில் இருந்தனர்.
ஹர்திக் முன்னிலை:
எத்தனை பேர் கேப்டன்ஸி ரேசில் இருந்தாலும், அடுத்த கேப்டனாக ஹர்திக் பாண்டியாவை நியமிக்கதான் வாய்ப்பு பிரகாசமாக இருப்பதாக கிரிக்கெட் விமர்சகர்கள் கருதுகிறார்கள். காரணம், சமீப காலமாக அவர்தான் இந்திய டி20 அணியை வழிநடத்தி வந்தார்.
இந்நிலையில், இலங்கைக்கு எதிரான டி20 தொடரிலும் ஹர்திக் பாண்டியாதான் கேப்டனாக செயல்படுவார் எனக் கூறப்பட்டது. ஆனால், திடீரென்று ஹர்திக்கை, கேப்டன் பதவியில் இருந்து, ஒரேயடியாக தூக்க முடிவெடுத்திருப்பதாக தகவல் வெளியாகி உள்ளது.
பிசிசிஐ சொல்லும் காரணம்:
ஹர்திக் பாண்டியாவின் பிட்னஸைதான் முதல் காரணமாக பிசிசிஐ கூறுகிறது. ஹர்திக்கிற்கு ஒரு லேசான காயம் ஏற்பட்டால் கூட, அவர் 5-6 மாதங்களுக்கு ஓய்வுக்கு செல்லும் நிலை இருப்பதால், நிரந்தர கேப்டனாக அவரை நியமிக்க முடியாது என பிசிசிஐ முடிவு செய்துள்ளதாம்.
அரசியல் காரணமும்:
அம்பானியின் மும்பை இந்தியன்ஸ் கேப்டன்களுக்குதான், இந்திய அணியின் கேப்டன் பதவி கிடைக்கிறது என அரசியல் வட்டாரத்திலும் விமர்சனம் எழுந்துள்ளது. இது ஜெய் ஷாவுக்கு பிரச்சினையை ஏற்படுத்தும் என்பதால்தான், ஹர்திக்கை கேப்டனாக நியமிக்க தயங்குகிறாராம்.
அடுத்த கேப்டன்:
இதனால், இந்திய டி20 அணிக்கு சூர்யகுமார் யாதவை கேப்டனாக நியமிக்க முடிவு எடுக்கப்பட்டுள்ளதாம். டி20-யில் நம்பர் 1-ஆக இருக்கும் சூர்யகுமாரை கேப்டனாக நியமித்தால் எந்த பிரச்சினையும் இருக்காது என பிசிசிஐ கருதுகிறதாம். இதனால், இலங்கை டி20 தொடரில் சூர்யகுமார் யாதவ்தான் கேப்டனாக இருப்பார் எனத் தகவல் வெளியாகி உள்ளது.
ஒருநாள், டெஸ்ட்:
அதுமட்டுமல்ல, ஒருநாள் அணிக்கும் ஹர்திக்கை கேப்டனாக நியமிக்க வாய்ப்பில்லை எனக் கூறப்படுகிறது. அந்த அணிக்கு கே.எல்.ராகுல் கேப்டனாக செயல்பட வாய்ப்புள்ளதாம்ப். டெஸ்டில் சொல்லவே தேவையில்லை. ஹர்திக் லெவன் அணியில் கூட இடம் பிடிக்க முடியாமல் இருக்கிறார் என்பது குறிப்பிடத்தக்கது.
