கான் யூனிஸ் பகுதியிலிருந்து தற்காலிகமாக வெளியேற காஸா மக்களிடம் இஸ்‌ரேல் வலியுறுத்தல்

இதில் குறைந்தது 39,000 பாலஸ்தீனர்கள் மாண்டுவிட்டதாக ஹமாஸ் அமைப்பின் கட்டுப்பாட்டில் உள்ள பாலஸ்தீன சுகாதார அமைச்சு தெரிவித்தது. இந்நிலையில், கான் யூனிஸ் பகுதியில் ஹமாஸ் போராளிகளுடன் கடுமையான சண்டையில் ஈடுபட்டதாக இஸ்‌ரேலிய ராணுவம் ஜூலை 26ஆம் தேதியன்று கூறியது.

ஹமாஸ் அமைப்புக்குச் சொந்தமான சுரங்கப்பாதைகள், உள்கட்டமைப்புகள் ஆகியவற்றை இஸ்‌ரேலிய ராணுவம் அழித்ததாகக் கூறப்படுகிறது. ஜூலை 27ஆம் தேதி அதிகாலையிலிருந்து நடத்தப்படும் தாக்குதலில் இதுவரை குறைந்தது 14 பாலஸ்தீனர்களை இஸ்‌ரேலிய ராணுவம் கொன்றுவிட்டதாக பாலஸ்தீன ஊடகம் கூறியது.

மாண்டோரின் சடலங்கள் நசர் மருத்துவ நிலையத்துக்குக் கொண்டு செல்லப்பட்டதாகத் தெரிவிக்கப்பட்டது. ஹமாஸ் உட்பட மற்ற பாலஸ்தீன அமைப்புகளைச் சேர்ந்த கிட்டத்தட்ட 14,000 போராளிகளைக் கொன்றுவிட்டதாக அல்லது சிறை பிடித்துவிட்டதாக இஸ்‌ரேல் கூறியது.