ஜோகூர் பாரு:
அடுத்த ஆண்டு ஜனவரி 1-ம் தேதி தொடங்க உள்ள ஜோகூர் மாநிலத்தின் வார இறுதி மாற்றத்தை, அரசியலாக்கக்கூடாது என்று மந்திரி பெசார் டத்தோ ஒன் ஹபீஸ் காசி தெரிவித்துள்ளார்.
எடுக்கப்படும் ஒவ்வொரு முடிவும் மாநிலம் மற்றும் அதன் ஒட்டுமொத்த மக்களின் நலனுக்காகவே இருக்கும் என்று தாம் நம்புவதாக அவர் மேலும் கூறினார்.
எனவே, ஜொகூர் வார விடுமுறையை வெள்ளி மற்றும் சனி ஆகிய நாட்களுக்குப் பதில் சனி மற்றும் ஞாயிறு ஆகிய நாட்களாக மாற்றுவது தொடர்பான ஜோகூர் இடைக்கால ஆட்சியாளர் துங்கு மஹ்கோத்தா இஸ்மாயிலின் சமீபத்திய ஆணையை மாநில அரசு உறுதி செய்கிறது என்றார்.
எனவே இந்த முடிவு முழு ஜோகூர் சமூகத்திற்கும் பயனளிக்கும் என்று மாநில அரசு நம்புகிறது, மேலும் வார இறுதி நடவடிக்கைகளைத் திட்டமிடுவதை எளிதாக்குவதன் மூலம் அவர்களின் அன்புக்குரியவர்களுடன் அதிக தரமான நேரத்தை செலவிட அனுமதிக்கிறது. ஆகவே இந்த விஷயத்தை அரசியலாக்க வேண்டாம் என்று அவர் அனைவரையும் கேட்டுக்கொண்டார்.
