செஸ் சாம்பியன்ஷிப் இறுதிப்போட்டியில் டிங் லிரன்னை வீழ்த்தி சாம்பியன்ஷிப் பட்டத்தை வென்றார் குகேஷ். இதன் மூலம் இளம் வயதில் சாம்பியன்ஷிப் பட்டம் வென்றவர் என்ற சாதனையையும் படைத்தார் குகேஷ்.
இந்நிலையில் சிங்கப்பூரில் நடந்த இந்த இறுதி ஆட்டம் மிகவும் பரபரப்பாகவும் விறுவிறுப்பாகவும் நடந்து முடிந்தது. கிட்டத்தட்ட ஐந்து மணி நேரத்திற்கும் மேலாக இந்த ஆட்டம் நீண்டது. கடைசி கட்டம் வரை யார் வெற்றிபெறுவார்கள் என தெரியாத ஒரு த்ரில்லிங் ஆட்டத்தை பார்க்கமுடிந்தது. இறுதியில் சீனாவின் டிங் லிரனை தோற்கடித்து குகேஷ் வெற்றிபெற்று சாதனை படைத்தார்.
இந்திய கிராண்ட்மாஸ்டர் டி குகேஷ் இன்று இளம் வயதில் சாம்பியன்ஷிப் பட்டம் வென்றவர் என்ற சாதனையை அடைந்தார். இந்நிலையில் இப் போட்டியின் பெரும்பகுதி சமநிலையின் விளிம்பில் இருந்தது. இருப்பினும் கடைசிவரை இருவரும் போராடிய நிலையில் குகேஷ் வெற்றிபெற்றார். இதைத்தொடர்ந்து 18 வயதில் உலக சாம்பியன் ஆனார். இதற்கு முன்பு இளம் வயதில் உலக சாம்பியன் பட்டம் வென்று சாதனை படைத்த ரஷ்யாவின் புகழ்பெற்ற கேரி காஸ்பரோவ் என்பவரின் சாதனையை முறியடித்தார்.
