புத்ராஜெயா,
பிரதமர் டத்தோ ஸ்ரீ அன்வார் இப்ராஹிம், புகையிலை வரியை உயர்த்தும் முயற்சிக்கு ஆதரவு தெரிவித்துள்ளதுடன், தனிப்பட்ட முறையில் தாம் புகை பிடிப்பதில்லை என்றும் இன்று தெரிவித்தார்.
நிதி அமைச்சகத்தில் நடைபெற்ற 2025ம் ஆண்டுக்கான வரவுச்செலவுத் திட்ட ஆலோசனை கூட்டத்திற்கு பிறகு செய்தியாளர்களிடம் பேசிய பிரதமர் கூறியதாவது:
“இந்த முன்மொழிவின் உள்நோக்கத்துக்கு நான் ஒத்துழைக்கிறேன். நானே ஒரு புகைபிடிக்காதவனாக இருக்கின்றேன். மேலும், புகைபிடித்தலைக் குறைக்கும் பிரச்சாரங்களை முழுமையாக ஆதரிக்கின்றேன்,” என்றார்.
2015ஆம் ஆண்டு, மலேசியா புகையிலை மீதான உரிமை வரியை 42.8 சதவீதம் உயர்த்தியது. அதனுடன் சரக்கு மற்றும் சேவை வரியும் (GST) அறிமுகப்படுத்தப்பட்டதால், ஒரு சிகரெட்டின் மீதான வரி 28 சென்டிலிருந்து 40 சென்ட்டாக உயர்ந்தது.
அதன் பின்னர், சிகரெட்டுகளுக்கு மீண்டும் வரி திருத்தம் செய்யப்படவில்லை. இருப்பினும், 2024ஆம் ஆண்டு பட்ஜெட்டில், புகையிலை மென்று உபயோகிப்பவர்களுக்கு 5% உரிமை வரி விதிக்கப்பட்டது. ஆனால், சிகரெட்டுகளுக்கு வரி மாற்றம் செய்யப்படவில்லை.
இந்நிலையில், Merdeka Center நடத்திய ஒரு கருத்துக்கணிப்பில், மலேசியர்களில் 66% பேர் சிகரெட் வரியை உயர்த்துவது வழக்கமான முறையில் மற்றும் நிலைத்தவையாக அமைய வேண்டும் என்ற நிபந்தனையுடன் ஒத்துழைப்பு தெரிவித்துள்ளனர்.
அதில், 25% பேர் எதிர்ப்பு தெரிவித்தாலும், 9% பேர் உறுதியாக பதிலளிக்கவில்லை.
அத்துடன், 21 முதல் 30 வயதுக்குட்பட்டவர்களில் 84% பேர் வரி உயர்வுக்கு வலியுறுத்தியுள்ளதுடன், 51 முதல் 60 வயதுடையவர்களில் அதிகமானவர்கள் (முக்கியமாக) எதிர்ப்பை வெளியிட்டுள்ளனர் என்பது குறிப்பிடத்தக்கது.
